Вкупната вредност на извозот на стоки од Република Северна Македонија, во периодот јануари – февруари годинава изнесува 1.075.052.000 долари и бележи пад од еден отсто во однос на истиот период лани.

Министерот за економија Крешник Бектеши утре и задутре ќе учествува на Првиот балкански форум за инфраструктура, развојни мрежи и за промоција на претприемништво и иновации, што се одржува во Солун, во организација на грчкото Министерство за Македонија и Тракија.

Министерот за транспорт и врски Горан Сугарески и директорот на Јавното претпријатие за државни патишта Зоран Китановски денеска ќе извршат увид во изградбата на експресниот пат Ранковце-Крива Паланка.

Државата им ги исплати на лозарите парите кои со години им ги должеа „Повардарие” и „Стефани винарија” за предадено грозје. Се работи за 77 милиони денари на 2.048 лозарски семејства за грозје од 2015 и 2016 година.

Советот за рамномерен регионален развој на денешната седница го утврди предлогот за финансирање нови 44 проекти во осумте плански региони, што ќе и биде доставен на Владата на усвојување на наредната седница. Вкупно 289 милиони денари се обезбедени од буџетската Програма за рамномерен регионален развој што се реализира преку Министерството за локална самоуправа.

Комерцијална банка ја заврши 2018 година со нето добивка во износ од 1.780,3 милиони денари. Акционерите на денешното редовно годишно собрание донесоа одлука за распоредување на нераспределената добивка со тоа што дивидендата за обичните акции ќе изнесува 420 денари за една акција.

Триста компании веќе подигнале апликациски формулар за тековниот повик за кофинансирани грантови за комерцијализација на иновации, инструмент на Фондот за иновации и технолошки развој преку кој се на располагање пет милиони евра.

Претседателот на Стопанска комора Бранко Азески кој денеска ја посети Млекара АД Битола, оцени дека состојбата во млекопроизводството е неповола. Секоторот, според него, се соочува со предизвици.

Во моментов околу 30 отсто од компаниите во земјава се управувани од жени. Тоа е состојба која, како што вели Валентина Дисоска претседателка на Асоцијацијата на бизнис жени, треба да се промени за да се искористи целосниот потенцијал на жените. Тие во пракса се покажале како претпримачи кои повеќе се грижат за вработените и општеството, не само за својот бизнис.

Македонија попиша договор за целосно укинување на роамингот со Србија, Црна Гора, Албанија и БиХ. Доворот го потпишаа министерот за информатичко општество и администрација Дамјан Манчевски и ресорните министри од Западниот Балкан во рамките на вториот дигитален Самит во Белград.