Регулаторната комисија за енергетика предлага да се најдат соодветни механизми со кои на приклучените на парно греење ќе им се овозможи да постават калолиметри.

За најмалку 20 проценти ќе се намали цената за приклучок за електрична енергија за домаќинствата, а ќе има намалување и на цената за приклучок за останатите потрошувачи. Тоа значи дека ако досега домаќинствата плаќаа околу 500 евра за приклучок, отсега ќе плаќаат околу 400 евра.

Народната банка почна активности за подготовка на првата национална стратегија за финансиска едукација на населението, во рамки на проектот за техничка помош за финансиска едукација на Организацијата за економска соработка и развој (ОЕЦД) и Министерството за финансии на Холандија.

Инфо сесија и презентација на Инструментот за кофинансирани грантови за комерцијализација на иновации ќе се одржи денеска во Владата.

Во текот на денешниот ден, во скопскиот регион, беше организиран Караван за зелена економија од страна на регионалниот проект „Вмрежување и застапување за зелена економија“, финансиран од ЕУ. Караванот, на кој присуствуваа 25 претставници на граѓански организации, направи неколку запирања во скопската околина, за да ги запознае учесниците со примери на зелено претприемништво

Брендот на телекомуникациската компанија Вип во текот на годинава ќе биде сменет во А1. Вип e член на А1 Телеком Австрија Групацијата, од каде во 2017 година објавија дека постепено ќе го воведува А1 брендот за сите свои компании.

Министерот за финансии Драган Тевдовски смета дека се направени сериозни резултати во делот на намалувањето на јавниот долг. Според него, јавниот долг е стабилизиран и спречено е да расне во иднина.

Вицепремиерот за економски прашања Кочо Анѓушев смета дека е остварлив планираниот економски раст од 3,2 проценти за годинава и покрај прогнозите на Светска банка дека тој ќе достигне 2,9 проценти, а очекувањата, како што вели, ги темели на реалните факти од првиот квартал.

Во рамки на Република Чешка- Македонија бизнис форумот кој се одржува вчера и денес во Скопје, министерот задолжен за регулатива за подобрување инвестициска клима за домашни претпријатија проф. д-р Зоран Шапуриќ оствари средби со делегација на Република Чешка предводена од заменик министерот за индустрија и трговија г-дин Едвард Мурицки, како и со претставници од преку 20 чешки компании.

Бизнисмени од Грција кои учествуваа на вчерашниот форум во Скопје, а веќе се активни во Македонија, говорејќи за грчката новинска агенција АНА-МПА велат дека се задоволни од бизнис климата и соработката кај нас, јави дописничката на МИА од Атина.