Средба меѓу израелски инвеститори и македонски компании – корисници на Фондот за иновации и технолошки развој (ФИТР) денеска ќе се одржи во просториите на Фондот.

Од почетокот на овој месец, рудникот за олово и цинк САСА вработи нови 44 лица. Пред да стапат на работните места, соопштуваат од Рудникот, за сите нови членови на тимот е организирана соодветна обука за да се осигура дека тие безбедно ќе ги извршуваат работните задачи.

Увозните цени од одделот Кокс и рафинирани нафтени производи (19) во јануари годинава се пониски за 0,1 отсто на месечно ниво и за 4,7 проценти на годишно ниво.

Државниот завод за статистика денеска објави дека во јануари се издадени 307 одобренија за градење што е за 62,4 проценти повеќе во однос на истиот месец лани.

Министеркaта без ресор задолжена за странски инвестиции, Зорица Апостолска денес оствари работна средба со амбасадорот на Република Романија во Република Северна Македонија, Виорел Станила.

Министерот за земјоделство, шумарство и водостопанство Љупчо Николовски и претставникот на компанијата изведувач на проектот Штрабаг, Златан Ѓурѓиќ денеска во Валандово го потпишаа договорот за градежните работи за проектот за наводнување на јужната долина на реката Вардар од втора фаза, што треба да ги намали трошоците за земјоделците за порентабилно производство и конкурентно земјоделство.

Домашните фирми да не се обесхрабруваат од обемните и долготрајни процедури, да аплицираат за поддршката од ЕУ и да стекнат повеќе искуство во овој домен зашто допрва, по почетокот на преговорите и особено по влезот во Унијата, ќе имаат на располагање многу поголем број фондови и средства, апелира Стопанската комора на Македонија.

Продажните цени на производителите на индустриски производи, во јануари годинава се повисоки на месечно ниво за 0,4 отсто, а се пониски за 0,8 отсто на годишно ниво, објави Државниот завод за статистика.

Со новиот Закон за јавни набавки, што ќе стартува од април, се воведуваат низа мерки што ги подобруваат условите за вклученост на малите и средни претпријатија во јавните набавки, бидејќи тие се ’рбетот на економијата, вели министерот за финансии Драган Тевдовски во интервју за порталот biznisregulativa.mk.

Министерот за финансии е оптимист за движењата на економијата и смета дека се остварливи проекциите за раст од 3,2 процента.