Енергетската заедница (ЕЗ), во своето соопштение до јавноста, ги поздрави реформите што се спроведуваат во енергетскиот сектор во земјава, при што нотираше дека е прва членка на ЕЗ која спровела конкурентна тендерска постапка за избор на универзален снабдувач со електрична енергија.

Шест македонски производители и извозници на вино освоија 20 високи награди, од кои 15 златни и пет сребрени медали на реномираниот вински натпревар Mundus Vini во Германија, соопшти здружението „Вина од Македонија“.

Во организација на Здружението „Конект“ денеска ќе се одржи Форум за социјално претприемништво.

Директните странски инвестиции во износ од 624 милиони евра регистрирани во државава минатата година за власта се потврда за преземените чекори за стабилизација на државата на политички и на економски план, со тенденција за натамошен уште поголем раст. Како клучна придобивка се сметаат отворените 4.500 работни места од новите инвестиции.

Владата планира да ги задолжи граѓаните за нови 130 милиони евра наредната недела односно на 05.03.2019 година.

Дополнително, во Програмата за финансиска поддршка за 2019 година е зголемена поддршката за произведено и предадено овчо млеко на 4,5 денари, соопшти МЗШВ.

Просечната каматна стапка на вкупните кредити во јануари достигна 5,3 проценти. Народната банка во соопштение наведува дека просечната каматна стапка на вкупните кредити продолжи да се намалува, при што намалување е забележано и кај каматната стапка на кредитите на населението и кај корпоративниот сектор.

Трошоците во градежништвото за нови објекти за индивидуално домување во четвриот квартал од минатата година во однос на тој квартал од претходната година, се повисоки за 5,9 отсто, трошоците за материјали се повисоки за 3,2 отсто и трошоците за вработените се повисоки за 13 отсто.

Продажните цени на производителите на индустриски производи на домашниот пазар во јануари годинава се повисоки за 0,3 отсто на месечно ниво, а пониски за 0,8 отсто на годишно ниво, објави Државниот завод за статистика.

Во последните три месеци од минатата година бројот на превезени патници бележи намалување во градскиот и меѓународниот превоз, а зголемување во приградскиот и меѓуградскиот превоз.