Пивара Скопје ја доби годинешната награда „Предводници на Целите за одржлив развој“ на Обединетите Нации.

Сојузот на синдикати на Македонија смета дека има простор да се зголеми минималната плата која во моментов изнесува 12.165 денари. Пресметките на синдикатот покажуваат дека има потреба од зголемување на минималната плата за најмалку 12 проценти.

АД Електрани на Македонија соопшти дека продаде 9.600 мегаватчасови вишок електрична енергија за 429.763 евра.

Министерот за транспорт и врски Горан Сугарески очекува да се остварат планираните капитални инвестиции за годинава и покрај нискиот процент на нивна реализација во минатиот месец, што, како што изјави, се должи на тоа што не е градежна сезона, а се работи на тендери за предвидените проекти.

ЕВН Македонија е избрана за најдобар понудувач на јавното електронско поддавање на тендерот за избор на Универзален снабдувач со електрична енергија.

-Минатата 2018 година, имплементиравме најмногу препораки од сите земји аспиранти за влез во ЕУ. Лани бевме најдобри со 54,4% реализација. Во моментов процентот на реализација на договорените активности е 65%. Уверени сме дека таквиот тренд ќе продолжи и во наредниот период и дека дијалогот со Европската комисија ќе биде поттик да дојдеме до најдобрите решенија за земјата - рече министерот Тевдовски.

Ниту еден од осумте активни, од вкупно 30-те, снабдувачи на пазарот на електрична енергија не понуди пакет за домаќинствата, иако од 1 јануари годинава има целосна либерализација на пазарот на струја. Според претседателот на Регулаторната комисија за енергетика (РКЕ), Марко Бислимовски, незаинтересираноста на снабдувачите се должи на високата цена на електричната енергија на домашниот и на регионалниот пазар.

„Алкалоид АД“ Скопје оствари позитивни финансиски резултати во периодот јануари – декември 2018 година, покажуваат неревидираниот единечен и неревидираниот консолидиран Биланс на успех.

Швајцарската авиокомпанија „Еделвајс“ објави дека од 6 април годинава ќе лета двапати неделно на линијата Цирих – Охрид и обратно.

На компании и поединци вечерва им беа доделени награди за остварување на целите за одржлив развој. Наградите се доделија во рамки на проектот „Градење на меѓусекторски партерства за одржлив развој“ спроведен од организациите „Конект“, „Agora“ i „Network Bulgaria“.