Сите мерки за исплата на субвенциите ќе се спроведуваат во време кога им се најпотребни за земјоделците. Следна фаза на исплата се мерките за растително, градинарско и овоштарско производство, а континуирано се прават проверки за средствата од субвенциите да стигнат до вистинските земјоделци, порача денеска директорот на Агенцијата за финансиска поддршка во земјоделството и руралниот развој (АФПЗРР) Николче Бабовски.

Борбата против корупцијата и судирот на интереси е еден од главните предизвици во процесот на почнување преговори за членство во ЕУ, заклучија денеска учесниците на конференцијата „Институционални реформи за борба против корупција, најдобри практики движејќи се кон европскиот модел – Италијанскиот пример“.

Народната банка беше домаќин на работна средба со наставниците и професори координатори од основните и средните училишта од земјава кои ќе учествуваат во Европскиот квиз на парите, соопшти Народната банка на Републиак Северна Македонија.

Македонците не се откажуваат од зимување во угостителските капацитети што се нудат во Банско и Боровец во соседна Бугарија. И годинава, како и изминатите години, најголем интерес има за хотелите во овие зимски туристички центри, иако не помалку атрактивни се и сместувачките капацитети во соседна Србија, како Златибор и Копаоник.

Пласман на италијански козметички производи на пазарот во државава, трговија со прехранбени и вински производи, соработка на турооператори, инвестиции во обновливи извори на енергија, иновации и градежништво, се областите во кои италијански компании гледаат можности за соработка со фирми од државава.

Делегација на стопанственици од Италија на високо ниво допатува во нашата земја на директни средби со стопанственици од Сојузот на стопански комори на Македонија (ССК) со цел рализација на трговски партнерства, инвестициски проекти, како и унапредување на економската соработката преку заеднички настап на трети пазари, беше истакнато на денешниот бизнис форум во организација на ССК, Институтот за социјални истражувања MK91 и Италијанската билатерална комора.

Ако им се понудат пониски цени за разговор во мобилната телефонија 61,2 процента од испитаниците опфатени со последната анкета на Агенцијата за електронски комуникации (АЕК) би го смениле мобилниот оператор, 43,6 проценти тоа би го направиле за пониски цени на СМС/ММС и дата податоци, а 37,3 проценти за поевтин мобилен интернет.

Министерката без ресор задолжена за странски инвестиции, Зорица Апостолска денеска во Сојузот на стопански комори на Македонија ќе учествува на „Македонско-италијански бизнис форум 2019“, каде ќе има обраќање на тема „Можности за странските инвеститори во земјата“.

Според последните податоци на Државниот завод за статистика, за просечната нето плата, можеме да дознаеме и кои дејности имаат највисоки плати.

Депозитите во јануари на месечно ниво бележат пад од 0,8 отсто што се должи на намалување на депозитите на корпоративниот сектор и поумерено намалување на депозитите кај домаќинствата. На годишно ниво, како што соопштува Народна банка на Република Северна Македонија, има раст од 10,6 отсто и е резултат на растот кај двата сектора.