До почетокот на март се очекуваат конкретни предлози за решавање на проблемот со пласманот на јаболко. Дотогаш јаболкопроизводителите и Министерството за земјоделство, шумарство и водостопанство интензивно ќе разговараат со цел да се изнајде начин како да се дизајнира поддршката во иднина.

Во Косово се извезува македонско брашно, а српскиот министер Расим Љајиќ проблемот со косовските такси за српските производи треба да го решава во Брисел, а не преку трговците во Македонија, порачува сопственикот на „Даути комерц“, Џемаил Даути.

АД ЕЛЕМ на вчерашната аукција продаде 9.600 мегават часови вишоци електрична енергија за вкупна сума од 488.395 евра.

Стопанската комора на северо-западна Македонија (СКСЗМ) бара патот Скопје-Блаце и споредните патишта, канализацијата и основната инфраструктура во индустриската зона Визбегово да бидат највисок приоритет на Владата заедно со привлекувањето на инвеститори за изградба на нови деловни објекти за сместување на мали и средни претпријатија.

Стопанската комора на северо-западна Македонија (СКСЗМ) не е целосно задоволна од третманот на домашните инвеститори и смета дека Владата има направено само една работа за еднаквиот третман на домашните и странските инвеститори, а тоа, како што вели извршниот директор Дрилон Исени, е законската рамка за доделување на субвенции и финансиска поддршка.

Министерството за финансии ќе продолжи да го зајакнува управувањето со јавните финансии, да ја подобрува фискалната дисциплина и транспарентноста во трошењето на јавните пари, истакна министерот за финансии Драган Тевдовски на средбата со мисијата на Европската комисија за оцена на Програмата за економски реформи (ПЕР) за периодот 2019 – 2021 година.

Централниот регистар на Република Македонија ги информира сите обврзници дека ќе врши прием на годишни сметки и финансиски извештаи за 2018 година на 26, 27 и 28 февруари и на 15 март од 08.00 до 21.00 часот.

Платите на инспекторите да бидат зголемени за 10 проценти на почетокот на следната година и да достигнат зголемување од 30 проценти во 2022 година. Капацитетот на инспекциските служби да се зајакнува со нов кадар, а при санкционирањето да се воведе правило за опомена пред изрекување на казна, предвидува новиот Закон за инспекциски надзор, усвоен на последната владина седница.

Министерот за транспорт и врски Горан Сугарески оствари средба со претставници на Македонско-турската стопанска комора (МАТТО) со кои разговараше за можноста турски инвеститори да се вклучат во реализацијата на инфраструктурните проекти во државата.

Претседателот на Владата на Република Северна Македонија Зоран Заев и министерот за финансии Драган Тевдовски, денеска примија делегација на Движењето анти коцкање од Тетово.