Има пари за купување резерви на нафта и нафтени деривати. Според она што го има како средства на сметката на Дирекцијата за складирање, апсолутно сме најдобри во регионот, а мислам и дека сме многу блиску до договор за цена со компаниите, рече денеска вицеремиерот за економски прашања Кочо Анѓушев.

Наша заедничка цел како мала земја е да постигнеме повисоки стапки на раст од просекот на регионот, да ги стимулираме оние што создаваат нова вредност, а тоа сме ние -реалниот сектор, меѓусебно да се почитуваме зашто тоа е основа за напредок, порачуваат компаниите-членки на Стопанската комора на Македонија која денеска одбележува 97 години работење.

Од полноќ поскапуваат бензините, а цената на дизелот останува иста, одлучи денеска Регулаторната комисија за енергетика.

Поголема транспарентност, усогласување со меѓународните практики и поголем креидбилитет кај меѓународните институции и инвеститори се очекуваните ефекти од измените на Законот за јавен долг кои ги изработи Министерството за финансии, а кои се во собраниска процедура. Со измените се предлага враќање на негарантираниот долг во пресметката за јавен долг.

Гувернерката на Народната банка Анита Ангеловска-Бежоска учествуваше на конференцијата на високо ниво „Предизвиците на политиките и новите форми на бизнис во дигиталната ера“ организирана од Централната банка на Белгија.

Стопанската комора на Македонија денеска одбележува 97 години од работењето. По овој повод, продолжувајќи ја традицијата, Комората и годинава ќе им додели награди и признанија на најуспешните компании и стопанственици.

Најсовремениот систем за водоснабдување во земјава почна да работи рентабилно. Хидросистемот (ХС) „Злетовица“ почна да ги наплатува долговите за испорачаната вода, која ја примаат општините Свети Николе и Пробиштип. Директорот на ХС „Злетовица“, Миле Илиевски за МИА вели дека овие две општини редовно ги наплаќаат долговите, што се трупале со години.

Промените во мерките во новата Програма за директни плаќања во делот на финансиската поддршка за производство на јаболка се направени по барање на производителите на јаболка, соопшти МЗШВ во врска со денешниот протест на јаболкопроизводителите во местото Макази и апелира овоштарите да не подлегнуваат на манипулации.

Националната стратегија за соработка со дијаспората (2019-2023) и акцискиот план беа презентирани пред претставници на иселениците во Малме, во рамки на работната средба на министерот задолжен за дијаспора Едмонд Адеми на Шведска.

До крајот на годината се очекува да бидат отворени канцелариите во Германија, Турција и САД кои се замислени како државни претстаништва за привлекување странски инвестиции, но и како центри од каде ќе се нудат производи од економијата.