Нови нископодни еко-автобуси на гас ќе сообраќаат по главниот град. Со 10 милиони евра обезбедени преку заем од Европската банка за обнова и развој (ЕБОР) и 1,8 милиони евра од сопствени средства на Јавното сообраќајно претпријатие (ЈСП) ќе се набават до 35 автобуси.

Политичките партии се уште не постигнале договор за членовите на комисијата за селекција на кандидати за претседател и членови на Државната комисија за спречување на корупцијата, а и Владата ги нема доставено двата предлога. Ова се причините поради кои собраниската Комисијата за прашања на изборите и именувањата, оваа точка наместо како прва ја стави последна на денешната седница.

По зголемувањето на таксите кон Србија за 100 проценти, Македонија го зголеми извозот на Косово за 40 отсто. Како што изјави српскиот министер за трговија, туризам и телекомуникацици Расим Љајиќ, бенефит од ваквата мерка имаат и други земји. Пласманот од Албанија пораснал за 60 отсто, од Словенија за 123, од Грција за 114 отсто, Унгарија за 71, Бугарија 50 отсто, а од Хрватска за 28 проценти.

Челичната индустрија во наредната три години ќе работи со неизвесност од воведените квоти за увоз во Европската унија. Алтернатива за овој пазар нема каде би се пренасочил пласманот на производите, но затворање на фабриките и отпуштања нема да има. Ќе работат со зголемени фиксни трошоци, намалена конкуреност на производот, но и неможност на договарања на долг рок. Загубите годишно се проценуваат на 150-160 милиони евра.

Доста е политика и политиканство, потенцира Заев. Мора да ги засукаме ракавите. Државата ќе ја биде само ако народот има пари. Во таа насока се фокусирани и владините политики.

За почнување и развој на рурален туризам неопходна е системска поддршка од локалните и националните институции, решенија во законската регулатива, програми и мерки, изготвување нова локална и национална стратегија за рурален туризам, како и едукација за начините и можностите за искоритување на фондовите за поддршка на руралниот туризам.

Откако стигна веста за ратификација на Договотот од Преспа во грчкиот парламент добив информација од четири компании дека одлучиле да инвестираат во Македонија, истакна вицепремиерот за економски прашања Кочо Анѓушев на трибината „Силна економија – шанса за сите“ што се одржува во Велес.

Сите ние досега чмаевме, седевме и чекавме некој друг да ни го реши проблемот. Со ова што го направивме последно, јасна е иднината на Македонија во НАТО и ЕУ. Апсолутно ништо не сме направиле ако тоа сега не го искористиме да направиме подобра економија и граѓаните да живеат подобро, порача денеска вицеремиерот за економски прашања Кочо Анѓушев.

Заклучно со декември 2018 година, Министерството за финансии изврши поврат на ДДВ на фирмите во висина од 23,1 милијарда денари или 375,6 милиони евра. Тоа е за 3,7 милијарди денари или 60 милиони евра, односно за 19,3 отсто повеќе во однос на претходната година, информираат денеска од Министерството за финансии.

Конзервната индустрија во Македонија се соочува со недостиг од суровини, но и работници. Тоа, сметаат вклучените, негативно ќе влијае на работењето на оваа индустрија.