Македонија е една од најатрактивните дестинации за инвестирање во Централна и Источна Европа и е на пат за побрза интеграција кон ЕУ, според американскиот фонд за управување со средства „Итон Ванс“, пишува Блумберг.

Одобрувањето на планот за реорганизација на ФЕНИ индустри од страна на судот во Велес, за ГСОЛ и Еуроникел значи ставање крај на несигурноста и проблемите во ФЕНИ и почеток на инвестиции и раст.

До 15 февруари е продолжен рокот за аплицирање за поврат на средствата за камати за реализирани инвестиции по ИПАРД Програмата со помош на кредити. Од Агенцијата за финансиска поддршка во земјоделството и руралниот развој информираат дека рокот е продолжен поради зголемениот интерес од страна на барателите кои во минатиот период, реализирале проекти од ИПАРД 1 и ИПАРД 2 Програмата со помош на кредит.

Во Скопје денеска на иницијатива на вицепремиерот за економски прашања Кочо Анѓушев и потпретседателот на Советот на министри на Бугарија, Томислав Дончев ќе се одржи бизнис форум на кој ќе учествуваат македонски и бугарски компании.

Апелациониот суд Скопје со Решение ТСЖ. бр.2741/18 го потврди Решението на Основен суд Велес со кое се одобрува Планот за реорганизација на стечајниот должник Друштво за ископ на руди, производство на метали, трговија и услуги ФЕНИ ИНДУСТРИ АД Кавадарци - во стечај.

Од Велес и Лозово денеска стартуваше едукативната кампања за ИПАРД Програмата 2014-2020 во рамки на која ќе бидат организирани повеќе инфо денови, работилници и форуми низ целата територија на Република Македонија.

Амбициозност, трпеливост, упорност, барање пазари по светот, се пораките за успешност кои ги прати Симеон Наумовски, претседател на одборот на директори на АД „Витаминка“ Прилеп на денешната промоција на монографијата „60 години Витаминка“.

Министерот за земјоделство шумарство и водостопанство Љупчо Николовски денеска ги посети откупните пунктови за тутун во скопскиот регион, каде се сретна со тутунарите и разговараше за состојбата со откупот на тутунот.

Република Бугарија утре во Скопје отвора трговско претставништво, а на церемонијата ќе присуствуваат заменик-министрите за економија на двете земји, Кире Наумов и Александар Манолев.

Прилагодување на образовните програми, практична настава во соработка со бизнис заедницата во насока на успешна социјална инклузија на пазарот на труд на учениците од средното државно училиште ,,Св. Наум Охридски, се дел од активностите кои ќе се реализираат во соработка со Сојузот на стопански комори на Македонија.