Зголемен број на туристи и на ноќевања во ноември лани евидентира Државниот завод за статистика. Според денеска објавените податоци, бројот на туристи во ноември бил зголемен за 12 проценти, а бројот на ноќевањата за 9,2 проценти во однос на истиот месец во 2017 година.

Недостатокот на квалификуван стручен кадар е клучниот ограничувачки фактор за да се постигнат подобри резултати во стопанството иако големо влијание имаат и недоволната побарувачка на домашниот и на странскиот пазар, сметаат компаниите членки на Стопанската комора на Македонија.

Агенцијата за финансиска поддршка во земјоделството и руралниот развој како надлежна институција и договорен орган за спроведување на Инструментот за претпристапна помош за рурален развој на ЕУ од канцаларијата отворена во Кичево ги повика сите заинтересирани физички и правни лица од градот и околината да достават барања за користење на материјалните средства од ИПАРД Програмата 2014-2020.

Министерот за транспорт и врски Горан Сугарески денеска појасни дека е даден рок од три години за изградба на автопатот Скопје-Блаце поради опфатот на сите постапки што не значи дека тој ќе се гради до 2023 година.

Осум нови дестинации преку авиокомпанијата „Визер“ ќе им бидат достапни на македонските граѓани од скопскиот и охридскиот аеродром. Четири нови линии ќе бидат воспоставени од скопскиот и четири од охридскиот аеродром.

Претседателот на Стопанската комора на Македонија и потпретседател на Коморскиот инвестициски форум, Бранко Азески, денеска во Виена, ќе учествува на настан на кој ќе биде официјализирана соработката помеѓу Коморскиот инвестициски форум, Австриската федерална стопанска комора и Австриското федерално министерство за Европа, интеграции и надворешни работи, кое ја координира работата на Австриската агенција за развој.

Министерот за финансии Драган Тевдовски и гувернерот на Народната банка Анита Ангеловска-Бежоска ќе учествуваат на Форумот на Централна и Источна Европа, кој по дваесет и четврти пат го организира „Еуромани“ во Виена, Австрија.

Халкбанк АД Скопје соопшти дека поседува 100 отсто од капиталот на осигурителната компанија Нова осигурување АД Скопје, со што официјално се потврди информацијата од Македонската берза дека акциите на осигурителната компанија на 9 јануари годинава се продадоа за вкупно 3,2 милиони евра во две блок-трансакции.

Договор за финансиска поддршка за евтини авиолинии ќе потпишат денеска министерот за транспорт Горан Сугарески и претставници на нискобуџетната авиокомпанија „Визер“.

Секој корисник има право предвреме, кога сака, целосно или делумно да го врати банкарскиот потрошувачки кредит. Притоа, според Законот за потрошувачки кредити, точно се знае колку банката може да го „напенали“.