Со предложената одредба правните субјекти кои имаат блокирани сметки меѓусебното намирување на паричните обврски и побарувања преку компензација, асигнација, цесија и преземање долг ќе можат да го вршат и во текот на 2019 година, односно до 31 декември 2019 година.

Платежната агенција ќе става ред во делот на ИПАРД. Планира донесување нов закон, според кој, консултантите од оваа бранша ќе мора да се лиценцираат, но и да формираат комора.

Стабилноста и меѓународниот статус кои ги носи членството во НАТО, влијаат на одлуките за инвестиции, како на домашните, така и на странските инвеститори, вели во интервју за месечникот ЗАМАН министерот за финансии Драган Тевдовски, говорејќи за очекувањата за економски раст.

Граѓаните од 1 јануари годинава ќе можат да плаќаат или примаат пари во кеш само во вредност од 60 илјади денари или 1.000 евра. Сè што е над оваа сума ќе мора да помине преку банкарска сметка. Во јуни лани стапи во сила одредбата на Законот за спречување на перење пари и финансирање на тероризам.

Сите заинтересирани за купување земјоделско земјиште во државна сопственост под оранжерии и помошни објекти во функција на оранжериите може да достават понуди на отворениот повик од Министерството за земјоделство, шумарство и водостопанство до 25-ти овој месец.

Во 2018 година во Македонија имавме највисок раст на платите во однос на годините наназад. Ако порано платите растеле со стапка од 1,5 отсто и 2 отсто годишно, во првите 10 месеци од 2018 просечната плата има раст од 5,7 отсто.

Прогресивниот данок нема да се одрази врз животниот стандард на населението и од неговото воведување не може да се очекува никакво зголемување на цените, бидејќи станува збор за данок на доход што ќе го плаќаат само околу еден отсто од најбогатите, порача вечерва министерот за финасии Драган Тевдовски.

Во изминатиов период, забележана е појава на испраќање електронски пораки до е-адреси на лица од Република Македонија со лажно претставување (англ. email spoofing), информираат од НБРМ.

Управата за финансиска полиција во минатата година поднесла 74 кривични пријави за дела со кои е нанесена штета на Буџетот на Република Македонија во износ од три милијарди денари и е значително повеќе во споредба со 2016 година кога биле поднесени 41 кривична пријава со што е нанесена штета од 293 милиони денари.

Поранешните наоѓалишта на јаглен во РЕК Осломеј за околу една година треба да бидат покриени со 10 мегаватна фотоволтаична мрежа. На таа локација ќе биде изградена фотоволтаична централа во која ќе бидат ангажирани околу 1000 вработени во „Осломеј“ откако ќе поминат содветна едукација. Инвестицијата изнесува седум милиони евра, од кои 5,9 милиони евра заем од Европската банка за обнова и развој, а останатите сопствени средства на ЕЛЕМ.