Во организација на Инженерската институција на Македонија и ЕВН Македонија денеска во Скопје ќе се одржи втората меѓународна конференција „Жени во енергетика 2018”.

Најавени се обраќања на Јигит Лачин, аеродромски координатор на ТАВ Македонија, Јован Стојаноски, градоначалник на Охрид и Катажина Пташињска, конзул на Полска во Македонија.

Државата распиша повик за избор на меѓународни консултанти кои ќе изработат документација за приватизација на велешката фабрика за шински возила „Колска“, прилепскиот загубар „Еурокомпозит“ и ски центарот Попова Шапка.

Во првиот квартал годинава во Македонија се влезени 235 милиони евра странски директни инвестиции. Тоа е најуспешен квартал од кое било тримесечие од 2007 година досега и во споредба со цела 2017, но и со годишните износи во 2015, 2014, 2012, 2010 и 2009 година.

Две нови инвестиции во Технолошко-индустриската развојна зона (ТИРЗ) Скопје 1 во вкупен износ од 11 милиони евра, во кои ќе се отворат по 80-тина работни места, најави денеска вицепремиерот за економски прашања Кочо Анѓушев.

Стартуваше изградбата на првата фаза од експресниот пат Штип-Радовиш во должина од 23,5 километри, кој се протега од клучката кај штипското село Софилари до клучката кај радовишки рудникот „Бучим“.

Со пристигнувањето на првиот авион на „Нордика“ ноќеска на охридскиот аеродром стартуваше сезонската директна авионска линија од Талин, со естонски гости кои организирано ќе летуваат на Охридско-струшката ривиера.

Минатата година трговската размена со Германија изнесувала 3,2 милијарди евра, од кои 2,4 милијарди евра се извоз од Македонија, што е историски највисоко ниво.

Македонскиот вицепремиер за европски прашања Бујар Османи в четврток во Брисел ќе оствари средба со еврокомесарката за трговија, Сесилија Малмстром, на која ќе се разговара за последиците од американските заштитни царински мерки против извозот на челик и алуминиум.

Податоците на НБРМ покажуваат каматите на кредитите во март годинава изнесувала просечно 5,67 проценти, на депозитите 1,48 процент. Во овој месец просечната каматна стапка на кредитите забележала намалување од 0,03 проценти, а кај депозитите 0,02 проценти.