Групна тематска изложба „Надреализам и фантастика (рефлексии) – избор од колекцијата на Националната галерија“ ќе биде отворена вечер од 20 часот во Мала станица

По повод излегувањето од печат на романот „Александар и Клеофила“ од Паскал Гилевски, во мултимедијалниот културен центар „Матица ексклузив“ од 12 до 15 часот ќе се одржи книжевна средба со писателот

Мемоарско-монографското издание „Сведоштва од претседателскиот кабинет: моќта на трпението“ од Дарко Костадиновски вечер ќе биде промовирано во хотел „Хилтон“ во Скопје. Книгата е објавена на македонски и на англиски јазик

Според режисерот Евтимов, станува збор за текст напишан во шеесетите години од минатиот век и до денес повеќе од успешно живее на сцените ширум светот.

Прилепскиот уметник и стрип-автор Златко Крстевски во Јужна Кореја доби награда за сликата „Genius Locci“ – масло на платно со димензии 140 на 80 сантиметри, диптих работен на релација Пиран (Словенија) – Битола – Прилеп

Министерот за култура Хусни Исмаили во обраќањето на Форумот на министрите за култура во рамки на 40-тото заседание на Генералната конференција на УНЕСКО во Париз се осврна на механизмите за промоција на културата во нашата земја и иницијативите кои поттикнуваат вклучување и културен дијалог на национално или на локално ниво

Велешкиот кларинетист Благој Ламјов, кој 15 години живее и работи во Шведска, синоќа во Велес го промовираше својот прв албум „Nostalgic love“ („Носталгична љубов“) – негов целосно авторски проект, во кој е изведувач, композитор и продуцент

Недела на шпански филм организира Амбасадата на Шпанија од 21 до 25 ноември во Кинотека, по повод 25 години од воспоставувањето билатерални односи меѓу Шпанија и нашата земја

Во Галеријата на Младинскиот културен центар вечер од 20 часот ќе биде промовиран романот „Виножито зад душата“ од Милан Јазбец, амбасадор на Словенија во нашата земја, кој на македонски јазик го објави издавачката куќа „Магор“

Македонскиот писател и драматург Јордан Плевнеш во Писателскиот центар во Бетезда во Вашингтон го претстави англиското издание на неговиот роман „Осмото светско чудо“