Градското аматерско културно уметничко друштво „Браќа Ѓиноски“ вчера во Гостивар го одржа завршниот годишен концерт. На сцената во Центарот за култура АСНОМ оркестарот и членовите на сите возрасни групи од фолкорната секција изведоа повеќе сплетови од ора и традционални песни.

По повод 16 дена активизам против родово базирано насилство вечер во кафе бар „Синдикат“ ќе биде поставена изложба на фотографии „Викторија“.

Новогодишен базар на кој ќе се претстават близу 100 креативни ракотворци ќе се одржи денеска во Скопје.

„Souvenir de Florence“ е насловот на камерниот концерт што ќе се одржи вечер (20:00) во Македонската филхармонија.

Во Хонг Конг од 5 до 20 декември се одржува изложба на скулптури на академскиот скулптор Алексадар Ефтимовски, насловена „Continuity” со која завршува неговиот петмесечен академски престој во Хонг Конг.

Во медиотеката на Градската библиотека „Гоце Делчев“ во Велес синоќа беше промовирана книгата „Турцизми во македонскиот јазик“ од Борислав Гајдов прим. др во пензија, познат лекар специјалист, велешанец кој живее во Скопје.

„Полска низ фотографии – пред очите на македонската јавност“ е насловот на изложбата што ќе биде отворена вечер во Домот за култура „Кочо Рацин“ (Дом на градежници) во Скопје.

Советот на општина Демир Хисар денеска ќе му ја врачи наградата за животно дело на Славко Крстевски, писател, поет, драмски писател и актер, новинар и човек кој целиот животен и работен век го вложил за развој на образованието и културата во оваа општина.

Националната и универзитетска библиотека „Св. Климент Охридски“ – Скопје денеска ќе одбележи 74 години од своето постоење и ќе го чествува патрониот празник.

Тринаесет автори од Куманово, ќе учествуваат на биеналнатa изложба на графики „Кумановски графичари 2018“, што ќе се одржи вечерва во 19.30 часот во центарот за култура „Трајко Прокопиев“. Ова е осмо издание на изложбата чиј организатор е НУЦК „Трајко Прокопиев“. Прв пат на изложбата покрај докажаните автори ќе учествуваат и студенти од Куманово, така што публиката ќе има можност да проследи 27 графички листови, работени во повеќе графички техники.