Вршителот на должноста директор на НУ Македонски народен театар Драган Спасов-Дац денеска си поднел оставка од функцијата, информира Министерството за култура.

Владата на денешната седница го разгледа Предлог-законот за престанување на важењето на Законот за поддршка на домашната музичка продукција и донесе заклучок да го достави до Собранието на Република Македонија на натамошна постапка.

Собранието денеска го донесе Законот за престанување на важењето на Законот за националниот уметник на Република Македонија, со кој се укинува доделувањето на оваа титула која се состои од доживотен паричен надомест од две просечни месечни плати.

Промовиран каталог и изложени креативни творби на учениците што учествувале во едукациските проекти во музејот. Едукацијата почнала во 2012-та година, а во последниве пет години биле опфатени голем број ученици од повеќе училишта од целата земја.

Агенцијата за филм даде поддршка на 3 долгометражни играни филмови, 5 долгометражни копродукциски проекти со македонски малцински удел, 2 документарни долгометражни филмови, 5 краткометражни играни филмови, и по 1 краткометражен документарен и анимиран филм.

И по 11 години од трагичната смрт на Тоше во сообраќајната несреќа кај Нова Градишка, Хрватска, неговите обожаватели не престануваат да доаѓаат, да се потсетуваат, да ги пеат неговите песни.

Во Спомен- куќата во Крушево, во чест на роденденот на Тоше Проески, ќе биде организирана културно- уметничка програма. Претходно ќе бидат положени цвеќиња на вечното почивалиште на легендарниот македонски пејач.

Министерот за култура Роберт Алаѓозовски денеска во Давос, Швајцарија, се обрати на конференцијата на министрите за култура од земјите - потписнички на Европската културна конвенција и земјите набљудувачи на Советот на Европа.

Најновиот проект со музика од Македонија „Македонисимо“ на пијанистот Симон Трпчески синоќа беше претставен во салата за камерна музика, лондонскиот „Вигмор Хол“, која беше исполнета до последното место.

Заклучоците за Декларацијата која го промовира концептот на култура на изградба – Баукултур, се во фокусот на конференцијата на министрите за култура во Давос, Швајцарија.