На Малата сцена на Македонскиот народен театар од денеска до 29 април, ќе се одржи 16. Интернационален фестивал на пантомима и физички театар „ПАНФИЗ“ 2023.

Во галерија „КО-РА“ вечер од 19 часот ќе биде отворена самостојна изложба на Јорданка Мирковска насловена „Моќта на восокот“.

Скопски саем потсетува дека 35. Меѓународен саем на книгата, поддржан од Министерството за култура, ќе се одржува од 4 до 10 мај 2023 во арената „Борис Трајковски“ во Скопје.

Режисерот на претставата Милош Андоновски, кој прв пат соработува во Тетовски Театар, потсети дека на текстот се работело од 20 март годинава.

Во Берово е отворена ликовна изложба „30-та Лесновска ликовна колонија“, во организација на Дом на култура „Димитар Беровски“.

„Вселена.Човек.Интелигенција“ е интерактивна изложба, која Гете-институт во соработка со друштвото Макс Планк ја прикажува ширум светот. Од 3 април се прикажува во Скопје, а ја посетуваат ученици од основните и средните училишта од целата земја.

Изложбата „Неизложени дела на хартија“ во петокот беше свечено отворена во Солун, во присуство на голем број посетители, а уметникот, пренесувајќи ги неговите впечатоци вели дека е задоволен и од отворањето и од реакциите на посетителите.

Деновиве од печат излезе стихозбирката „За сите времиња“ од Братислав Ташковски. Издавач е ПНВ Публикации од каде што потенцираат дека се работи за врвно поетско дело на еден од бардовите на македонската поезија.

Американскиот актер Џек Димиќ со монодрамата „Ој, животе“ ќе настапи на 5 мај, во 20 часот, во Драмски театар - Скопје.

„Македоника литера“ го објави романот „Адела“ на романскиот писател Гарабет Ибраилеану, во превод од романски јазик на Ирина Кроткова.