Претставата „Ана Каренина“ според романот на Толстој, во режија на македонскиот режисер Дејан Пројковски, а во продукција на Новосадско народно позориште, е прогласена за најдобра на 39. Театарски фестивал „Денови на Нушиќ“ во Смедерево.

Во 2021 година, во земјава биле организирани 454 ликовни изложби, што е за 44.6 % повеќе во споредба со 2020-та. Во истиот период, за 25 % е зголемен бројот на ликовните уметници учесници на изложбите, а за 163.4 % бројот на посетителите на ликовните изложби.

-На концертот ќе се претставиме со две групи, поголемата група со кореографиите „Роненка“, „Жетварка“ и „Ѓурѓовден“. Помалата група со „Тропнало оро“, „Црногорско оро“ и „Бувачанско оро“, изјави Бобан Трпковски од КУД „Кирил Пејчиновиќ“.

Републичкото здружение на децата бегалци и нивните потомци од Егејскиот дел на Македонија „Т’га за југ” денеска ќе организира креативна работилница во атарот на црквата „Света Петка“ во селото Варвара, во соработка со градоначалникот на општина Теарце, Нухи Незири.

Драмското студио „Миладин“ од Струга, вечер во 20 часот во Центарот за култура „Браќа Миладиновци“ во Струга премиерно ќе ја изведе детската претстава „Хајди“.

Друштвото на писателите на Македонија денеска ќе одржи Изборно собрание на кое ќе се избира нов претседател и нови управни тела.

Според истиот извор шест балкански земји го промовираа своето традиционално наследство, на еден фестивал, каде натпреварувањето на фолклорните групи останува колку симболично толку и стимулативно за уметниците.

„Отворен Балкан“ заслужува достојно внимание бидејќи за првпат ќе имаме можност трите држави да споделиме искуства на полето на културата во сите сегменти, со цел да се надминат разликите, но и да се овозможи промиоција на нашите културни добра, претстави, музеи, а на тој начин ќе придонесеме и до значаен развој на туризмот, истакна министерката за култура Бисера Костадиновска Стојчевска

Новата сликовница на познатиот македонски сликар, илустратор и автор на книги за деца Ване Костуранов, со текст на српската авторка Ана Торма – „Рекичето што сакаше да порасне“, ќе биде промовирана на 2 јуни (четврток) во 19 часот, во „Литература.мк“ во Струмица

Тетовската библиотека „Кочо Рацин“ овие два дена реализира две активности со цел да се афирмира читањето книги. Денеска во паркот кај културно-историската знаменитост Шарена џамија се спроведуваше проектот „Читаме за нашата душа“