Синоптичарите за утре попладне, особено во јужните делови, најавуваат нестабилно време со пороен дожд, грмежи и засилен ветер. Локално ќе има невреме со пообилен пороен дожд за кратко време, силни електрични празнења, ветер над 60 км/час и услови за појава на град.

За два сантиметра е намален водостојот на Дојранското Езеро, а за еден на Охридското, додека нивото на Преспанското Езеро е исто со вчерашното, покажуваат резултатите од последните мерења направени од Управата за хидрометеоролошки работи (УХМР).

Поради актуелната состојба со Ковид-19 и новите мерки и протоколи за заштита и ширење од вирусот донесени од Владата, Општина Велес преку својата веб-страна информира дека времено ги одложуваат сите настани кои се дел од „Велешко лето 2021“.

Со промоција на монографијата со народни носии „Од Љубанишча до Дебор“ од Љупчо Милошески утре во Паркот на поезијата во Струга ќе почне меѓународниот фолклорен фестивал „Фолклорен мост“.

Во употреба денеска беше пуштена новоизградената спортска сала за општинското основно училиште „Александар Здравковски“ во селото Јегуновце во истоимената тетовската општина. На настанот присуствуваа премиерот Зоран Заев, министерката за образование и наука Мила Царовска и градоначалникот Дарко Блажески.

Претставници од Министерството за животна средина и просторно планирање (МЖСПП) се сретнаа со претставниците на изведувачот и надзорот за проектот Изградба на фекален колектор, фекална канализација и атмосферска канализација за Урбан блок 21 во Гостивар. По средбата ја посетија локацијата од каде што ќе се започне со градежните работи.

Овие договори се однесуваат на унапредување, промоција и поддршка на политиките за развој на детската заштита, со цел да придонесат за зголемување на опфатот на деца во детските градинки.

Европскиот зелен план е развојна стратегија на ЕУ којашто има за цел да ја трансформира економијата на земјите членки во согласност со принципите на одржлив развој, како и да го обнови биодиверзитетот во земјите членки и секако да се намалат емисиите на стакленички гасови.

Времето ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен ветер од северен правец. Минималната температура ќе биде во интервал од 11 до 20, а максималната ќе достигне од 29 до 35 степени. УВ=8

Расте бројот на хоспитализирани пациенти во штипската модуларна болница. За нецела една недела, пополнет е половина од капацитетот и во моментот на болничко лекување се 24 пациенти. Од нив 10 се вакцинирани, а на 12 им е потребна повремена кислородна поддршка.