Амбасадорот на Европската унија во земјава, Самуел Жбогар денеска присуствуваше на средба со ученици од гимназијата „Јане Сандански" во Струмица во рамки на кампањата „ЕУ за тебе"

Неисплаќањето на капитацијата од страна на Фондот за здравство на приватна здравствена ординација во Виница беше причина матичните лекари од приватна пракса од Виница и Кочани да организираат мирен протест

Само 14 општини од вкупно 80 плус Градот Скопје 1 усвоиле акциски планови за унапредување на еднаквите можности на жените и мажите и предвиделе такви активности во своите програми.

Современите системи за редовно информирање и рано предупредување имаат клучна улога за заштита на земјоделското производство од негативните временски услови кои последниве години се уште поизразени поради климатските промени, рече ресорниот министер Љупчо Николовски на денешната конференција „ЕУМЕТСАТ Информативен ден за хидрометеоролошките служби од Западен Балкан“.

Градоначалниците од Источно-планскиот регион дадоа зелено светло за три проекти, кои добија најмногу бодови на регионалните форумски сесии.

Триесет и две години слепиот физиотерапевтски техничар Рагми Арифовски ги масира пациентите на кумановското одделение за физикална терапија во Општата болница. Позитивен, со насмевка на лицето, раскажува за професијата, која со љубов ја работи повеќе од три децении, масирајќи ја ногата на десетгодишно момче. Одлично се снаоѓа во една од тесните соби за масажа во кумановската болница.

Изминатиов период во Бигорскиот манастир, изработен e нов видео запис, овој пат за првата великопосна песна (каланда) со наслов “Сега е Свет и Велик Пост”.

Осудените лица од затворот К’шање, изработија дрвени куќички за птици кои надлежните од Казнено поправната установа ги донираа на Центарот за култура „Трајко Прокопиев“ и Средното училиште „Наце Буѓони“.

Мустафа Кемал Ататурк токму во Битола го постави мостот на пријателството меѓу нашите две земји и тоа пријателство го градевме, го градиме и ќе продолжиме да го градиме, истакна заменик-началникот на Генералштабот на Република Северна Македонија, генерал-мајор Азим Нуредин, на денешната свеченост организирана по повод 120-годишнината од дипломирањето на Мустафа Кемал Ататурк во Воената гимназија во Битола.

Јавното претпријатие „Куманово-Гас“ распиша тендер за избор на компанија за ископ и поставување цевки, со што ќе се прошири гасоводната мрежа кон улицата „11 Октомври“ кон кумановската општа болница. Постапката е во тек, информираа денеска надлежните од претпријатието.