Палење на стрниште денеска попладне можеше да предизвика пожар од пошироки размери кај месноста Каменарски рид во Македонска Каменица.

Нов забележителен успех постигнаа вината на „Тиквеш“ и „Домен Лепово“ на првите два годинешни престижни вински натпревари што се одржуваат во Европа и Азија.

Заменикот-министерот за локална самоуправа, Дејан Павлески и градоначалниците на општините Велес и Гази Баба, Аце Коцевски и Борис Георгиевски, учествуваат на меѓународната конференција за општински иновации, MuniWorld 2019, што се одржува од 26 до 28-ми овој месец во Тел Авив.

Евроамбасадорот Самуел Жбогар денеска беше во посета на Кичево во рамките на која ја посети пречистителната станица за отпадните води, изградена со средства од ЕУ.

Заврши рокот за поднесување барања за добивање месечен паричен надомест за стечајните работници. Во Центарот за вработување за добивање месечен надомест се имаат пријавено 680 лица.

Амбасадорот на Мисијата на ОБСЕ, Клеменс Која денеска оствари прва работна посета на Виница, при што се сретна со претставници од локалната власт, образованието и бизнис секторот во општината.

Михаил Трендафилов – Нанче денеска беше промовиран пред јавноста како кандидат за градоначалник на Охрид од редовите на партијата Граѓанско-демократска унија.

Центарот за јавно здравје Куманово, денеска прогласи епидемија на морбили. Бројот на заболени од мали сипаници вкупно од почетокот на годинава, изнесува петнаесет, а последнава недела заболени се три лица. Новозаболено е првоодделенче и двајца здравствени работници од детското одделение од кумановската болница. Детето престојувало во целодневен престој во кумановска градинка.

Речиси пет пати пониско од февруарскиот просек е нивото на реката Сатеска кај Ботун, а за четири пати се намалени Црн Дрим кај Ложани и Треска кај Македонски Брод, покажуваат денешните хидролошки мерења.

За проектот „Чебрен“ – хидроцентрала (или хидроцентрали) на Црна Река се говори безмалку 50 години. Темата е децениска, но сѐ уште не видела „епилог“. Последните информации од Владата или поточно од вицепремиерот Кочо Анѓушев ги придвижуваат работите. Дали конечно ќе заживее големиот проект „Чебрен“ или поконкретно ќе никне ли хидроцентралата „Чебрен“ на Црна Река?