Неколкукатниот објект на новиот крак на струмичката болница точно 33 години со својата впечатлива фасада потсетува дека пред многу години градот под Царевите Кули требаше да добие современ болнички капацитет.

Забраната сообраќај за тешки товарни возила на патниот правец Крива Паланка граничен премин Деве Баир се укинува.

Вработени во градинката „Весели цветови” од Делчево, учествуваа на еднодневна работилница во рамки на практичната размена на искуства со вработените во детската градинка ,,Росица” во Софија.

Повеќе проекти кои се реализираат во општина Струмица и со кои се подобруваат условите за живот на граѓаните во населените места и во градот се во завршна фаза и се одвиваат според планираната динамика, смета градоначалникот на Струмица, Коста Јаневски. Според него, еден од позначајните проекти е изградбата на канализациски системи во вкупна должина од 16.181 метри во селата Дабиле и Просениково.

Како дел од процесот на спроведување на кампања за воспоставување на заштитено подрачје на Осогово, денеска, во фоајето на НУЦК „Бели мугри“ во Кочани ќе се одржи Форум за рурален развој, чија цел е запознавање на локалното население со процесот за прогласување на Осогово како заштитено подрачје, како и придобивките и обврските што ги носи заштитеното подрачје во однос на земјоделството и шумарството.

Времето во Македонија е облачно со повремени врнежи од снег, претежно со слаб, а во западните и јужните делови на места со умерен интензитет. Дува засилен, на повеќе места и силен северен ветер со до 80 км/час.

На Факултетот за информатика при Универзитетот „Гоце Делчев”во Штип денеска ќе се одржи првиот државен натпревар за FIRST LEGO лига за деца од девет до 16 години. Натпреварите од оваа лига се организираат во цел свет, а оваа година учествуваат околу 40.000 тимови од 98 земји.

Претседателот на асоцијацијата „Хрватско-македонска тангента“, Сашо Гоергиевски и почесниот член, поранешниот хрватски претседател Иво Јосиповиќ, денеска престојуваа во работна посета на Гевгелија.

Сообраќајот на државните патишта се одвива тековно, по претежно влажни коловози. Како што информира ЈП „Македонија пат“, снег провејува на Попова Шапка и Стража, но во моментов не се задржува на коловозот.

Локалната установа Народен музеј-Велес за 2019 година во Министерството за култура конкурираше со 16 проекти, а доби само 320 илјади денари, за реализирање на четири проекти од кои два од музејската и два од ликовно-галериската дејност, за разлика од лани кога доби 540.000 денари.