Членовите на работната група на Проектот за управување со цврст отпад во полошкиот регион ги презентираа првичните наоди од двонеделната анализа и препорачаа краткорочни мерки што треба да се спроведуваат во депонијата Русино.

На патеката „Мирна долина“ во Маврово од 11 – 13 февруари ќе се одржи 56. Мавровски меморијал. Покрај македонските претставници, свој настап ќе имаат натпреварувачи од Србија, Црна Гора, БиХ, Хрватска, Грција, Турција и Бугарија.

Сообраќајната полиција во контролите за брзината со која се движат возилата во полошкиот регион, вчера открила 33 пречекорувања на брзината. Од нив 25 биле воТетовско и осум во Гостиварско. Низ населените места откриени се 12 пречекорувања, а 13 надвор од населено место. Меѓу откриените имало и возачи кои ја пречекориле брзината за 50, односно 70 километри на час над максимално дозволената брзина.

Водостоите на реките се во рамките на повеќегодишниот просек за февруари со исклучок на Сатеска на мерното место кај Ботун каде нивото е за 15 пати пониско од вообичаеното и Треска кај Македонски Брод со скоро двојно понизок водостој, покажуваат последните податоци од мерењата на Управата за хидрометеоролошки работи (УХМР).

Општина Струмица го објави конкурсот за поддршка на спортските клубови и здруженија во општината, како и за месечна подршка на тренери во спортските клубови. Вкупната подршка од буџетот изнесува 13,5 милиони денари.

Со финансиска поддршка на Бирото за регионален развој и Министерството за локална самоуправа преку Центарот за развој на Источно-планскиот регион ќе се гради пат до идната индустриска зона во Пехчево. Како што информираше градоначалникот на општина Пехчево, Драган Тренчовски средствата што се обезбедени за оваа намена изнесуваат приближно четири милиони денари.

Македонското друштво „Илинден“ со седиште во Тирана, со посебна свеченост, синоќа го одбележа јубилејот, десет години од формирањето.

Намалена видливост од 30 до 50 метри поради магла утринава има на планинските превои Стража, Ѓавато и Плетвар.

Од „ЕВН Македонија“ АД известуваат дека на ден 07.02.2019 година (четврток), заради технички зафати во дистрибутивната електро мрежа, без електрична енергија ќе останат:

Дипломираниот правник Александар Дамчевски е поставен за вршител на должност на ЈП „Парк спорт", откако градоначалникот на Општина Велес Аце Коцевски, минатата недела поради неправилности во работењето го разреши директорот Златко Гуцев.