Започнува процесот на децентрализација на Националните установи „Историски музеј Крушево“ и Спомен-куќата на Тоше на Гумење, односно нивно ставање под надлежност на крушевската локална самоуправа, информира крушевскиот градоначаланик Томе Христоски.

Набавена е нова опрема во три детски игрални во неготинските села Криволак, Пепелиште и Тремник, што функционираат во рамките на градинката „Фемо Кулаков” од Неготино. Станува збор за набавка на клима уреди, мијалници, бојлери, шпорети и фрижидери, работни маси, висечки шкафови и прибор за храна во секоја игрална поединечно, а обезбедени се со средства од општина Неготино, во вредност од 698.705 денари.

Делчево денеска ја чествува годишнината од раѓањето на патронот на градот, великанот на македонската револуционерна борба, Гоце Делчев. Во организација на Општина Делчево, по повод 147 години од неговото раѓање на Делчев, денеска пред споменикот на револуционерот во центарот на градот се поклонија и цвеќе положија претставници на општината, политички партии, институции и здруженија на граѓаните.

„Пчеларство – еколошки бизнис за младите“, „Туристички саем во Преспа“, „Општествена интеракција и економско зајакнување на младите“ и „Рурален туризам – можност за одржлив развој на локалната заедница“ се четирите проекти што наредните шест до осум месеци ќе се реализираат во општина Ресен.

Организацискиот одбор на Струмичкиот карневал ја објави програмата за годинашните карневалски празнувања, кои почнуваат на 6 март со симболичното предавање на клучот од градот на карневалистите од страна на градоначалникот, а завршуваат на 13 март.

На подрачјето на СВР-Штип, во текот на викендов, се случиле шест сообраќајни несреќи, од кои во две од нив, двајца учесници се здобиле со тешки телесни повреди, едно лице со телесни повреди и три несреќи со материјална штета, информираше денеска портпаролот на СВР-Штип, Гордана Панајотова. Таа истакна дека во текот на изминатите два дена имале и засилена полициска контрола на патиштата што се под ингеренции на СВР-Штип.

Групацијата на бањи при Стопанската комира на Македонија, денеска ќе поднесе иницијатива до Министерството за здравство со која бара да се регулира статусот на природните лекувалишта во рамки на важечкиот Закон за здравствена заштита.

Полициски службеници во Секторот за внатрешни работи Битола, изминатиот викенд, извршиле контрола за брзина, зимска опрема, управување без возачка дозвола, нерегистрирани возила, непочитување првенство, исправност на возилата, товарни возила, појас, светло и алкохол, во сите полициски станици на 1.155 возачии возила.

Граѓаните од десетте општини од југоистокот на државата и општините Берово и Пехчево лани поднеле најмногу претставки кај Народниот правобранител во Подрачната канцеларија во Струмица од областа на правосудството.

Проблемот со кучињата скитници во Струга останува. Граѓаните загрижени за нивната безбедност од глутниците, кои ги демнат секојдневно. Јавното претпријатие „Комунално“ излезе со обвинување дека кучиња скитници се носат и од други градови. Изминатата година во струшката болница биле евидентирани 10-тина лица искасани или повредени од куче.