Минимално зголемување на водостоите споредено со просекот за овој месец има на реките Пчиња кај Катлановска Бања, Брегалница кај Штип, Црна река кај Јегуновце и Црн Дрим кај Ложани.

Поради ниските температури можна е појава на голомразица. Појава на магла ја намали до 50 метри видливоста во Тетово, информира Автомотосојузот на Македонија во утрионскиот извештај за состојбата на патиштата.

Околу седумдесет хектари обработливо земјоделско земјиште е пренаменето во градежно во последните пет години во општините Струмица, Валандово и Василево. Во овие три општини наместо нови насади на плодното земјоделско земјиште никнаа градби од бетон и железо. Дел од индустриските зони се изградени на ниви на кои порано се одгледуваа различни култури.

Тиквешките лозари денеска протестираа поради неплатено грозје од пред неколку години. Од градскиот плоштад во Кавадарци, тие ги кажаа своите барања, да им се исплати грозјето предадено во 2015 и 2016 година во „Стефани винарија“ и „Повардарие“. Ако овие барања не бидат исполнети до 10 февруари, најавија блокади низ Тиквешијата.

Расчистен е патот што води до затворот Кшање, информираше директорот на казнено-поправаната установа, Марјан Спасовски.

Вршителот на должноста градоначалник на Дебар, Еуген Цами преку официјално писмо упатено до Министерството за локална самоуправа и Државниот инспекторат за локална самоуправа бара инспекциски надзор во општината.

Група од десетина искусни ловџии од Рача, Србија деновиве повторно ја посетија општина Делчево со цел продлабочување на соработката со делчевските ловџии. Во својство на домаќин,

Зголемување на облачноста, а во попладневните часови и нови врнежи од дожд на пониските места, како и снег на планините, најавува за утре УХМР.

Повеќе од една деценија нема греење во Центарот за култура „Трајко Прокопиев“ Куманово. Во зимскиот период нема настани, манифестации во главната сала, во малата сала, во изложбениот салон. Системот за греење што бил сместен во поранешниот „Текстилпромет“ во „Сума“ бил украден пред повеќе од деценија и оттогаш во зимските период не се одржуваат настани во оваа установа.

Србите од Македонија денеска по дванаесетти пат ќе го одбележат националниот празник свети Сава во Макдонскиот народен театар, со централна манифестација, свечена Светосавска академија.