Општина Охрид упатува апел до сопствениците на угостителските објекти кои не ги подмириле обврските за краткотраен закуп на градежно земјиште тоа да го сторат во најскоро време затоа што во спротивно ќе бидат санкционирани од соодветните инспекциски служби и не ќе може да поднесуваат барања за тековната година.

Лани во „Систем 48“ граѓаните пријавиле 1.428 комунални проблеми, од кои се решени и одговорени 1.203, а останатите 225 се проследени до надлежните служби и се во процес на решавање, бидејќи за истите е потребно повеќе време од вообичаеното 48 часа, информираат од општина Струмица.

За една недела откако започна пријавувањето за користење бесплатна бањско-климатска рекреација или бесплатен туристички викенд во Подрачното одделение на Фондот за пензиско и инвалидско осигурување на Македонија, Крива Паланка се поднесени само пет пријави од страна на пензионерите од општините Крива Паланка и Ранковце.

Сообраќајот на патниот правец Градско – Прилеп е оспособен и се одвива наизменично по една коловозна лента, соопшти Автомото сојузот на Македонија (АМСМ).

Во чест на верскиот празник Свети Трифун кој се смета за заштитник на лозарите и кога симболично започнува закројувањето на лозјата, Неготино ќе избира најдобри вина и ракии од индивидуални производители. Портпаролот на општината, Методи Митрев денеска информираше дека мостри од домашното производство можат да се доставуваат до 8 февруари.

Здравствен работник од Тетовско што работи во Скопје е првиот и засега единствен пријавен случај на заразено лице со морбили од овој регион, информираа од Центарот за јавно здравје Тетово. Според нивните податоци, случајот бил забележан минатиот петок, а лицето сега се наоѓае на домашно лекување.

Пожарникарите од Делчево и Македонска Каменица во изминатата 2018 година најмногу интервенции имале на отворен простор. Командирот на Територијалната противпожарна единица од Делчево Ванчо Постоловски, информираше дека во текот на 2018 на територијата на општина Делчево се регистрирани вкупно 19 интервенции во пожари на отворен простор.

Со надградбата на западното крило на гимназијата во Гевгелија со 14 нови училници, општина Гевгелија официјално ја почна реализацијата на инвестицискиот план за оваа година.

Во текот на изминатите три недели месецов во Кичево според Центарот за јавно здравје се регистрирани само 13 заболен лица од сезонски грип, што преставува намалување во споредба со истиот период во ланската година каде што бројот на заболени бил 32 лица вели деректорката на Центарот за Јавно здравје во Битола Елизабета Крстевска, во чиј состав е и подрачното оделение во Кичево.

Македонија утре ќе потпадне под влијание на нов студен и влажен бран, кој ќе услови врнежи претежно од снег, а во југоисточните делови од дожд, каде што врнежите ќе бидат обилни и поројни.