Кавадарци наскоро ќе добие комплетна физибилити студија за секундарна и примарна мрежа за гасификација. Како што информираше кавадаречкиот градоначалник Митко Јанчев, се предвидува изградба на 22 километарска гасоводна линија.

Со света архиерејска литургија и осветување на водите денеска во црквата Света Богородица во тетовско Горно Маало се одржа традиционалната прослава на празникот Водокрст што се одбележува еден ден пред празникот Богојавленије.

Пазарџиите на Зелениот пазар од Куманово излегоа на протест и побараа да не се воведе лиценцата, посочувајќи дека не можат да опстанат со сегашните и најавените давачки.

По успешно воспоставеното партнерство во рамки на програмата „Европа за граѓаните“ општина Гевгелија и Фондацијата за локален економски развој и информатичка технологија станаа дел од проектниот тим што ќе го реализира одобрениот проект за согледување на искуствата од мигрантската криза.

Општина Битола посочи јавни препораки до граѓаните за заштита на амбиенталниот воздух во градот, како и мерки за спречување на загадувањето на воздухот.

– На Баба има неколку хранилишта кои се наоѓаат во атарот на селата Цапари, Нижо Поле и Маловиште на источната страна, и хранилиштето во атарот на селото Брајчино. На сите хранилишта се остава пченица, пченка, пакети со минерали и бали со сено, истакна Пеце Цветановски, советник во НП “Пелистер” – Битола.

Поради монтажа на катната гаража, од денеска кумановци нема да можат да паркираат на паркинг-просторот кај Центарот за култура „Трајко Прокопиев“, се до почетокот на март годинава, соопштија од Општина Куманово.

Триесетина штипјани ќе скокаат по чесниот крст во водите на реката Брегалница и тоа на две локации. Во Штип традиционално крстот се фрла во штипско Ново Село и кај Камениот мост во населбата „ 8-ми Ноември“.

Кумановските етнолози ги регистрираат и изучуваат бројните обичаи кои се практикуваат во регионот, поврзани со православниот празник Богојавление или Господово крштевање. Дел од обичаите кои се практикувале во минатото сосема исчезнале или се редуцирани, појаснуваат етнолозите.

Утринава е значително облачно и студено, а на планините е потопло. Во Полог има појава на магла. За денеска, Управата за хидрометеоролошки работи најавува претежно облачно време со магла по котлините. Во југозападните делови ќе има слаб локален дожд, а во Пелагонија ќе има услови за замрзнат дожд. Ќе дува слаб јужен ветер. Максималната температура ќе се движи во интервал од -2 до 10 степени.