Скијачката сезона на Попова Шапка почнува од утре, а традиционално скијањето на првиот ден е бесплатно за сите посетители, информираат од ЕЛЕМ Турс.

Бугарските државјани и денеска беа меѓу најбројните посетители на градскиот пазар во Делчево каде ги полнеа кошниците со квалитетни раноградинарски култури и овошје. Анкетираните велат дека овде најмногу доаѓаат токму поради квалитетните производи, а освен раноградинарски култури купуваат и месо, ориз, сирење, неретко и гардероба.

Паркинг просторот со кој стопанисува јавното претпријатие „Билјанини извори“ во Охрид ќе биде бесплатен на Божик, 7 јануари.

Во пресрет на големиот христијански празник Божик вечер во Гевгелија по 26. пат ќе се одржи традиционалната манифестација „Коледарски хепенинг“.

Во чест на Св.Наум Охридски Чудотворец денес во крстилницата посветена на еден од основоположниците на македонска писменост и просвета, во Делчево се служеше утринска литургија.

Хуманираното здружение „Крепост“ со поддршка на митрополитот кумановско осоговски. г. Јосиф во пресрет на празникот, и годинава ја спроведе традиционалната помош за ранливите категории граѓани насловена „Бадникова вечера“.

Каратистот Емил Павлов е избран за спортист на годината за Општина Штип. Комисијата за избор на спортист на годината доби девет номинации за спортисти во сениорска и 51 номинација во севкупна конкуренција, но резултатите на Павлов се највисоки.

Околу два часа се потребни македонски државјани да влезат на територијата на Република Македонија кај бугарскиот граничнен премин Станке Лисичково каде од рано утрово е забележлива поголема колона возила. Како што информираат патници кои од Бугарија патуваат кон граничен премин Делчево, причината за задржувањето е пад на електронскиот систем.

Снежните врнежи кои паѓаа во изминатите 12 часа го отежнаа движењето на патот од Делчево до планината Голак. Како што информираат од Македонија пат подружница Штип со расчистувањето на снегот на патот кој води до Голак ќе се започне по отстранување на дефект на едно од возилата кои се задолжени за таа намена.

Укината е забраната за сообраќај на тешки товарни возила на патниот правец Гостивар-Кичево преку планинскиот превој Стража, информираат од ЈП Македонија пат.