Четириесет и пет тони сол и 25 кубни метри ризла се употребени изминативе два дена, за проодност на улици и патишта во Кавадарци. Претставникот на фирмата која од општината е задолжена за зимско одржување на уличната и патна мрежа, Лазар Лазов информираше за МИА дека засега таа е целосно во функција и нема места до кои не може да се стигне.

Со света архиерејска божествена литургија во манастирскиот комплекс Свети Наум Охридски чудтоворец на Попова Шапка беше одбележан денешниот празник Свети Наум.

Причините за сообраќајните несреќи синоќа на патните правци во источниот регион се неприспособената брзина на возилата, несоодветната зимска опрема, како и ниските температури, кои не дозволиле снегот да се растопи, смета раководителот на регионалната подружница на ЈП „Македонија пат“, Кире Коцев.

Градоначалникот на Кичево Фатмир Дехари го поздрави потпишувањето на договорот со ЕБОР за обезбедување средства за изградба на фотонапонска централа во РЕК Осломеј во Кичево.

Укината е забраната за сообраќај на тешки товарни возила на патниот правец крак – Маврово – Дебар, информираат од ЈП Македонија пат.

Снегот кој паѓа од вчера во Струмица ги отсече селата Попчево, Рич, Белотино и Орманли. До нив единствено може да се стигне со специјално возило или трактор, информираат од Центарот за известување.

Седумдесет ученици од гимназијата „Јане Сандански“ заедно со нивните професори Анита Станковска, Денис Кирчанов и Полина Ашикова деветти пат го приредија традиционалниот божиќен хуманитарен концерт. На годинашниов, на сцената во НУЦК „Антон Панов“, ги донесоа диско хитовите од познати и популарни изведувачи од минатиот век.

Сообраќајот на државните патишта се одвива по влажни коловози, наместа со остатоци од снег на коловозот по интервенција на екипите на ЈП „Македонија пат“.

Божикен концерт „Химни на Рождество Христово 2019“ ќе се одржи денеска во Мултимедијален центар, во Кратово во организација на локалната самоуправа.

Во моментов врне снег непрекинато и снежната покривка во градот и во околината е околу 30 сантиметри, информираат од крушевската локална самоуправа.