Заврши реконструкцијата на покривот на Домот за стари лица „Зафир Сајто“ во Куманово. Набавени се нови машини за перење и сушење, а реконструирани се постоечки пет тоалети, информираа денеска од јавната општинска установа која нуди згрижување на стари и изнемоштени лица, а пренесе МИА.

Младите српски солисти Александра Петровиќ и Стеван Каранац заедно со Српскиот камерен оркестар на 12 јануари ќе настапат во црквата „Света Софија“ во организација на фестивалот „Охридско лето“.

Интензивните врнежи од снег во изминатото деноноќие ќе овозможат од претстојниот викенд да започне скијачката сезона во планинскиот туристички центар Пониква на Осоговските Планини.

Околу 100 вработени во прилепски „Еурокомпозит“ и 154-ица работници прогласени за технолошки вишок денеска пред фабриката го искажаа својот револт кон раководството, зашто се чувствуваат излажани и изманипулирани, особено по последната информација од раководството дека нема пари за плата, ниту за отпремнините.

Од утре почнува скијачката сезона на Пелистер. ЕЛЕМ Турс информира дека од девет часот за посетители ќе биде отворен Ски-центарот „Копанки“. Во функција ќе бидат ставени двете жичарници и ски-лифта.

Механизацијата на ЈП „ Македонија пат" е на терен и од утринава на сите патни правци во источна и југоисточна Македонија се фрлени 100 метри кубни абразивен материјал и околу 80 тони сол.

Во 12:15 часот денеска е укината забраната за тешки моторни возила од Гостивар-Кичево преку планинскиот превој Стража, соопшти Автомотосојузот на Македонија.

Укината е забраната за тешки моторни возила од Кичево кон Гостивар преку преминот Стража во 11:35 часот денеска, соопшти Автомотосојузот на Македонија.

Минус 15 степени се измерени изутринава на Попова Шапка, а минус 12 во Маврово и Крушево. Температури под нулата има во сите населени места во Македонија, информира УХМР.

Сообраќајот на државните патишта се одвива по влажни коловози, наместа со остатоци од кашест снег на коловозот. Снег со среден интензитет паѓа во Битола, Крива Паланка, Делчево, Демир Капија, Удово, Гостивар, Крушево, Павлешенци, Кочани, Делчево, Смојмирово, Маврово и на планинските превои Стража, Ѓавато и Плетвар.