Со мнозинство од присутните граѓани, на втората форумска сесија за најприоритетен граѓаните на општина Берово го избраа проектот за асфалтирање на паркинг просторот кај детската градинка „23 Август”. Како што информираше модераторот на форумската сесија, Билјана Каламадевска, проектот е изгласан во вториот круг, откако во првиот ист број гласови добил и проектот за изградба на јавни санитарни јазли за туристи и граѓани.

Водостојот на сите реки во државата е под просекот за декември, покажуваат најновите хидролошки мерења на Управата за хидрометеоролошки работи.

СВР Куманово апелира до граѓаните да ги почитуваат законските прописи и да не користат пиротехнички средства. Од кумановската полиција ги повикаа кумановци да соработуваат со полицијата и да пријават лица кои продаваат пиротехнички средства на полициските службеници или на бесплатниот телефонски број 192.

На аукцијата што ќе се одржи во холот на основното општинско училиште „Илинден“ од Крива Паланка, денеска ќе бидат изложени над двесте оригинални изработки, и тоа џиновски новогодишни честитки, елки, украси и декорации, изработени од рециклиран материјал.

Во организација на Македонскиот национален комитет на Синиот штит денеска ќе се одржи дебата насловена „Опасноста и заштитата на архивите: заборавена обврска во институциите од културата на Македонија”.

Највисока снежна покривка измерена утрово од 21 сантиметар има на Попова Шапка, следат Маврови Анови со девет см, три во Крива Паланка и два см во Крушево.

Фондот за иновации и технолошки развој (ФИТР) денеска организира хуманитарна работилница за изработка на новогодишни декорации во рамки на иницијативата „Петок за млади @ФИТР“.

На планинскиот превој Ѓавато утринава има намалена видливост до 100 метри поради магла, а на останатите патишта низ државата сообраќајот се одвива по претежно суви коловози, соопшти Авто мото сојузот на Македонија.

По овој повод ќе се одржи свечена седница на Научно-наставниот совет на Факултетот на која ќе присуствува и министерот за земјоделство, шумарство и водостопанство, Љупчо Николовски.

Невиден феномен пред неколку дена бил снимен на Осогово, од бугарската страна, кога било забележано дека глутница кучиња-скитници шетаат заедно со волк.