Поттикнување на соработката меѓу Црвениот крст и партнерските организации за да се воспостават одржливи партнерства и да се обезбеди проектна поддршка за општествено социјални програми за подобрување на квалитетот на животот на ранливите категории во заедницата има за дел денешниот 9-от Партнерски состанок што го организира Црвениот крст на Република Македонија.

Асоцијацијата на Чивнинг стипендисти во Македонија (МЦАА) денеска од 17 часот во „Јавна соба“ ќе организира разговор со стипендистката од Фиџи Рошика Део за нејзиното искуство и вклучување на жените во политика во кревките средини.

Министерството за земјоделство ги интензивира активностите во земјишната политика. Покрај досега реализираните осум огласи за давање во закуп 6.972 хектари државни површини, паралелно работи на ослободување на државното земјиште од оние што го имаат во владение, но подолго време за тоа не плаѓаат.

Ски-центарот „Нижо Поле“ на ЈП „Стрежево“-Битола е подготвен за претстојната скијачка сезона, извршен е стручен надзор и потврдена е техничката подготвеност на двата ски-лифта.

Поради голем одрон на карпа, од 21 часот вечерва прекинат е сообраќајот на магистралниот пат А3 Македонска Каменица – Делчево кај местото Илиово.

Здружението Национален Ромски Центар (НРЦ) го продолжува проектот за унапредување на здравјето на жените Ромки, кој е продолжение на десетгодишната работа е и се реализира под мотото „Моето здравје е мое право“.

Јавното претпријатие „Чистота и зеленило“ ги поправи клупите во Соколанскиот парк кои неодамна беа уништени од несовесни граѓани.

Во пресрет на Новогодишните и Божикните празници општина Велес ја украси главната новогодишна елка во Младинскиот парк, постави уште три светлечки елки на три локации во градот, а со светлечка завеса е осветлена и Саат кулата што е симбол на Велес.

Проектот „Квалитетни услови за среќни деца“ доби најголема поддршка на последната, четврта сесија од Проектниот форум „Зајакнување на општинските совети“ што се одржа денеска во Струмица.

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 25 декември 2018 година (вторник), првиот ден на Божиќ, е неработен ден за граѓаните од католичка вероисповед во Република Македонија.