Засилени инспекциски контроли за време на викендите, аеросолизација согласно временски услови, зачестено миење улици, садење садници, забрана за движење во одредени часови од денот, достава само во одредени периоди, препораки за неизлегување надвор за деца и ученици, се дел од вонредните мерки што веднаш ќе ги примени Куманово за намалување на аерозагадувањето, одлучија советниците на денешната седница.

Општина Охрид упати повик до заинтересираните невладини организации, јавни институции, образовни установи и други субјекти, да достават проектни идеи на објавениот втор повик за апликација со проекти предлози во рамки на ИПА – програмата за прекугранична соработка меѓу Република Македонија и Република Албанија за периодот 2014-2020 година.

Првиот контингент со термопан прозорци и врати, произведени од две фирми во Дебар и Центар Жупа, тргнаа за САД. Извозот го реализира фирмата „ APEC Construction”, сопственост на Ибрахим Колари, дебарски бизнисмен кој повеќе од три децени живее и работи во САД.

Крушево е подготвено за Новогодишните и за Божиќни празници. Речиси се исполнети сите сместувачки капацитети, информираат од крушевската локална смоуправа.

Министерот за култура Асаф Адеми и претседателот на Комисијата за управување со Охридскиот регион, Зоран Павлов денеска на седница на собраниската Комисија за култура ги презентирани активностите околу управувањето со овој регион и состојбите со природното и културното наследство.

Градоначалникот на општина Гевгелија, Сашо Поцков, денеска се сретна со претседателите на месните заедници пред кои ја презентираше нацрт верзијата на општинскиот буџет за идната 2019 година.

Без храна веќе три дена е Интернатот за средношколци кои од други места престојуваат и учат во Кавадарци, реагираат нивни блиски. Во домот во Кавадарци се сместени над 50 деца од цела Македонија кои се школуваат во три средни училишта во овој град.

Младите се повеќе треба да се фокусираат на неформалното образование со цел да се комплементира формалното. Неформалното образвоание е одлична можност да ги надополнат дупките што ги создава формалното. Ова се дел од заклучоците на денешната тркалезна маса „Со неформално образование до полесно вработување на младите“ што ја организира „Млади инфо Интернационал“ во соработка „Порака nова“ од Струга.

Водата од водоводот во кочанското планинско село Полаки е неисправна за пиење, поради што е издадена забрана за нејзина употреба.

Нов пензионерски дом за пензионери со мали пензии беше отворен денеска во Неготино. Се работи за осум посебни станови во кои се сместени два брачни пара и шест други пензионери со ниски примања. Целиот проект е околу девет милиони денари, а е инвестиција на Здружението на пензионери од овој град.