Тимот од Република Македонија кој учествуваше на 15-та Меѓународна јуниорска олимпијада по природни науки што се одржа од 2 до 11 декември 2018 година во Габоране, Боцвана освои три бронзени медали.

Прилеп има поставено плоча во чест на швајцарскиот и светски реномиран писател, Никола Бувие. Во својата книга „Употребата на светот“, објавена во над 100 светски јазици, Бувие пишувал за Прилеп, а во два наврата и престојувал во градот под „Марковите кули“ и тоа во далечната 1953 и во 1995 година.

Воведувањето иноваци во земјоделеството е неопходно поради фактот што 30 проценти од вкупниот извоз на Македонија се земјоделски производи, а 12 проценти е придонесот на оваа гранка во Бруто домашниот производ.

За е-персонален данок во УЈП се регистрирале 70 отсто од жителите во Вардарски регион. Станува збор за даночни обврзници од Кавадарци, Неготино, Росоман, Демир Капија и Велес, кои ја извршиле својата законска обврска.

Македонското друштво „Илинден“ со седиште во Тирана,остро реагираше на изјавата на албанскиот историчар Арбен Лала, кој сопругот на актуелната министерка за образование Линдита Никола, по потекло Македонец, го нарекува славо-македонски екстремист, а друштвото „Илинден“ словенско, финансирано од Груевски и Мијалков.

АД МЕПСО ќе вложи 1,12 милиони евра во модернизација на трафостаницата „Прилеп 1“ и ќе ја замени со нова, високонапонската опрема што е во функција 40 години. Станува збор за вградување на нови прекинувачи, разделници и мерни трансформатори и нова опрема за контрола и далечинско управување со трафостаницата, нов системи за мерење електрична енергија и нов систем за релејна заштита.

Водостојот на речиси сите реки во Македонија е скоро двојно зголемен во однос на декемврискиот просек, покажуваат денешните мерења на Управата за хидрометеоролошки работи.

Владата на денешната седница донела одлука за основање „Јавно претпријатие колекторски систем“, чија примарна дејност ќе биде собирање, одведување и прочистување на отпадни води преку канализациони системи со пречистителни станици, односно колекторски системи и нивно испуштање во реципиент, со крајна цел – заштита на Охридското Езеро.

Водата за пиење во Делчево од 1 јануари 2019 ќе биде поскапа за три денари. Цената на водата се зголемува согласно пресметките на регулаторната комисија за енергетика, а по претходно изготвениот бизнис план за прилагодување на тарифниот модел на претпријатието за периодот 2019-2021 година. Одлуката за поскапување на водата пред делчевските советниви ја образложи директорот на ЈПКД „Брегалница“ Стојче Стојковски.

Над автопатот Велес-Скопје кај велешко езеро „Младост“ над селата Отовица и Чалошево, вработени од подружницата „Бабуна“ од Велес која е во склоп на ЈП „Македонски шуми“ во изминатите десетина дена на 50 хектари засадија 100 околу илјади садници од багрем јасен и јавор.