Најголем дел од младите иднината ја гледаат најчесто во странство, дури и при изборот на студиите, покажа средбата со средношколците од Охрид кои се дел од проектот „Креативни умови креираат иднина“. Според Јелена Петровска, библиотекар-советник од Битолската универзиетска библиотека „Св Климент Охридски“, средбата со охридските ученици ја потврди генералната слика што доминира во земјата и што ја покажаа и останатите работилници во други градови.

Во Кичево се оддржа 41. вонредна седница на Регионалниот штаб на РЦУК Кичево, каде покрај членовите на штабот на седницата присуствуваа и претставници на ЈП Македонија пат – Кичево, ТППЕ Кичево и ЕВН Македонија – КЕЦ Кичево.

Селото Ваташа кое е споено со Кавадарци е почисто од градската средина, кога е загадувањето во прашање. Загадувањето е најголемо во новиот дел на градското подрачје, каде има големи згради. Ова се првичните информации од мерењата на трите нови мерни станици за квалитетот на воздухот во Кавадарци. Едната е во Ваташа, другата во строгиот центар на градот и третата на излезот кон Росоман. Имало денови кога било регистрирано и екстремно загадување.

Работните места одземаат животи во Македонија, а состојбата во регионот не е многу поразлична. Оттаму иницијативата на државите од регионот за поактивно справување со причинителите што доведуват до несакани последици на работните места, преку изготвување Регионална студија.

Агендата на чествување предвидува бројни културни настани и содржини: промоции на книги, изложби на фотографии, музички концерти и приредби на институциите што го носат името на патронот.

Сообраќајната полиција минатиот месец на гостиварското подрачје открила и санкционирала 1.053 сообраќајни прекршоци. Во 13 регистрирани сообраќајни несреќи нема загинати и тешко повредени лица.

Директорите на четирите средни училишта во Гостивар и отсекот за превенција при СВР Тетово имаа заеднички состанок на кој се зборуваше за досега преземените мерки, превентивните проекти и прашања од безбедносен карактер.

Љубовта и страста кон автомобилите што започнале во детството прераснале во предизвик да се успее во автомобилската индустрија. На почеток тоа било запознавање со тридимензионална визуализација. По десет години истражувања и „висење“ пред компјутер и голем ентузијазам, еден млад гостиварец доби потврда и подотворена голема врата за влез во светот на автомобилизмот.

– Група граѓани вечерва протестираат пред корисничкиот енерго центар на ЕВН Македонија на улица „Босна и Херцеговина", изразувајќи незадоволство од прекините во снабдувањето со електрична енергија.

Општина Велес прва во Македонија ќе добие План за одржлива урбана мобилност според стандардите на Европската Унија, наведе градоначалникот на Општина Велес Аце Коцевски, посочувајќи дека планот претставува комплексна стратегија за развојот на урбанизмот, сообраќајот, енергетската ефикасност и екологијата,а со цел да обезбеди полесен и поубав урбан живот за граѓаните.