Активистите од кавадаречката група „Еко-аларм“ реагираат што се исечени дрва во градскиот парк и бараат од надлежните да ги најдат и казнат виновниците.

Македонскиот гудачки квартет „Вива стрингс“ имаше концертен настап во Кочани, во рамки на програмата „Нов културен бран“, при што се претстави со обработки на популарни рок, соул, фанк, рап и џез теми. Публиката имаше можност да проследи класични пребработки на хитови од АББА, Мајкл Џексон, Стинг, Квин, Ренди Крафорд и Ерик Клептон.

Во рамки на проектот за заштита на животната средина и одржливост, „Дрекслмајер“ во соработка со ЈП Македонски шуми, подружница Кавадарци, како и локалната самоуправа, организираше акација за пошумување, при што беа засадени над 6.000 садници.

Центарот за јавно здравје Куманово, преку советувалиштето за доверливо, анонимно советување и ХИВ тестирање во текот на овој месец ќе организира предавања за средношколците за ХИВ.

Гевгелиските средношколци успешно го реализираа проектот „Дигитален маркетинг и готварство“ кој во рамки на Еразмус + програмата го спроведуваа со партнер организации од Ирска и Грција.

Асфалтирана е пристапната улица која води до спортскиот комплекс во Крива Паланка, со што комплетно се урбанизира реонот на овој дел од левиот брег на Крива Река.

Четириесеттина семејства кои имаат членови, лица со попреченост од општина Старо Нагоричане, добија прехранбени пакети од локалната власт.

Водостојот на Охридското Езеро е идентичен со просечниот за декември, додека кај Дојранското и Преспанското е повисок од вообичаениот за овој месец, покажуваат последните податоци од мерењата што ги направи Управата за хидрометеоролошки работи (УХМР).

Дали знаете која е најголемата и најактивната група учесници во сообраќајот? Доколку не го знаете одговорот, тој е - пешаците. Во рамките на секојдневните активности, секој човек, покрај со автобус, автомобил, мотор, велосипед, секојдневно и најчесто, во сообраќајот е вклучен во улога на пешак. Наутро до продавница по леб, до комшии, до училиште; од кола, преку пешачки, на работа...

Во рамките на Дримскиот процес, денеска и утре во Атина се одржува работен состанок на експерти од сите земји на Дримскиот басен – Македонија, Албанија, Црна Гора, Косово и Грција. Експертите ќе работат на анализа на причинско-последичните врски на проблемите во Дримскиот басен и суб басените на езерата Охридско, Преспанско и Скадарско.