Рудниците на смртта во југоисточна Македонија сепак ќе се градат. Уставниот суд ја поништи одлуката на Советот на Општина Гевгелија, со која се распиша и одржа референдумот против овие рудници, во експресен рок, откако канадската компанија „Ресервоар минералс“ поднесе барање да се преиспита уставноста на одлуката на советот на Општината.

Министерот за образование и наука Арбер Адеми денеска ќе го посети средното економско училиште „Перо Наков“ во Куманово.

Во просториите на извидничкитот одред „Наум Наумовски – Борче“ од Крива Паланка денеска свечено беше пуштен во употреба Извиднички музеј, единствен од ваков тип во Република Македонија.

В недела, на 11 ноември (11.11.2018), точно во 11 часот и 11 минути во Битола, како и низ цела Европа, ќе биде одбележан денот на примирјето од Првата светска војна.

Во периодот од 1 до 5 ноември овластениот комунален инспектор од Општина Струмица спровел надзор над целата територија на општината и притоа на четири лица им изрекол прекршочни санкции во висина од по 200 евра во денарска противвредност, со издавање на прекршочен платен налог, согласно одредбите од Законот за јавна чистота, информираат Општина Струмица.

Во медија центарот во Владата на Република Македонија денеска ќе биде одбележан Светскиот ден на ромскиот јазик.

Општинската организација на Сојузот на борци од Народноослободителната и антифашистичка војна на Македонија 1941-1945 и на граѓаните продолжувачи во општините Охрид и Дебрца и локалната самоуправа на општина Дебрца денеска ја одбележуваат 75-годишнината од формирањето на Првата македонско-косовска пролетерска ударна бригада.

Институтот за национална историја при УКИМ по повод јубилејот 70 години од основањето денеска во Скопје организира Меѓународен научен симпозиум насловен „Балканската историографија и современите предизвици“.

На Универзитетот за Криминалистика, криминологија и сигурносни студии во Сараево денеска се одржа панел-дискусија на тема „Управување со ризиците во урбаните средини”.

Во Националната установа Универзитетска Библиотека (НУУБ) „Гоце Делчев“-Штип денеска во рамките на 17 „Митровденски средби“ беа промовирани петмина нови доктори на науки во Штип. Елена Максимова доктор по Правни науки истражувала за кривичните дела, коишто ги прават жените.