Во Гевгелија, по повод општинскиот празник, денеска беше предаден во употреба нов водоснабдителен систем, инвестиција во износ од 1,7 милиони евра, преку кој на гевгеличани им се обезбедуваат дополнителни количини квалитетна вода за пиење.

Штипскиот универзитет „Гоце Делчев“ ќе отвори Центар за пренос на знаења и технологии. Искуствата ќе ги црпат од полскиот Политехнички универзитет од Гдањск, за што деновиве во посета е и универзитетскиот професор Криштоф Малицики.

Општина Прилеп активно ги решава проблемите со руинираната патна мрежа во градот. Покрај десетиците улици што во изминатите неколку месеци беа комплетно асфалтирани и реконструирани, со нов слој асфалт се реновирани и улицата „Ристе Секирчанец“ во должина од 400 метри со околу 2000 метри квадратни, како и кростосницата со улицата „Ленин“.

Работите се во тек. Отстранети се досегашните камени плочи и основата на покривната конструкција. Сега наново се поставува дрвена конструкција и заштита – стаклена волна, а камените плочи, за пак да се долови автентичноста се увезени од Грција поради високиот квалитет.

Четири големи компании ќе инвестираат во Демир Капија. Ќе почнат со работа следната година.Од нив, три ќе бидат за одгледување и преработка на марихуана за медицински потреби , а ќе има и една фабрика за природно ѓубриво. Се очекува со реализацијата на овие инвестиции да се отворат минимум 200 нови работни места во општината.

Прилепските спортисти Мери Мирческа и Александар Стојкоски, ќе ja претставуваат Македонија на најпрестижната светска трка во планинско трчање во Шамони, Франција, во подножјето на „покривот“ на Европа, Мон Блан.

Анализите на невладиниот сектор покажуваат дека локалните власти во периодот од 2012 до 2017 година во источниот регион не доделиле ниту еден денар за проектни активности на здруженијата.

Според надлежните од проектот, 90 проценти од членовите на советите низ општините во државата се нови, без претходно искуство и соодветно образование.

За една година од мандатот на новата локална власт во Виница за инфраструктурни проекти во општината се инвестирани над 225 милиони денари. Таа сума е рамна на вкупните вложувања од претходните осум години, поради што видливи се крупни зафати во изградбата на капитални објекти.

Со цел да се подобри достапноста на здравствените услуги за граѓаните во општина Неготино, матичните лекари ќе бидат вклучени во дежурствата во службата на Итната медицинска помош при Здравствениот дом, соопшти Министерството за здравство.