На седница по повод 8 Октомври, Ден на oслободувањето на Крива Паланка, градоначалникот Борјанчо Мицевски и градоначалникот на украинскиот град Перечин, Иван Погорељук, потпишаа Договор за соработка и отпочнување постапка за збратимување на двете општини.

Во чест на 8 Октомври, Ден на oслободувањето на Крива Паланка, денеска покрај останатите свечености, се одржаа две автентични манифестаци на кои беа претставени традиционалната кујна, фолклор и колоритот на носиите од регионот: „Шопска софра“ и Дефиле-ревија на народни носии од прекуграничниот регион „Пчиња-Краиште“.

Општина Штип ќе помогне на семејството Асанов за лекување на 10-годишното дете на кое му е дијагностицирана циста на црниот дроб и за која треба да се лекува во Скопје. Општината, како што соопштуваат оттаму, согласно првилникот за распределба на финансиски средства на лица кои бараат помош за лекување во најкраток можен рок ќе донесе одлука и ќе излезе во пресрет на семејството.

Со прва историска заедничка прослава со Куманово, со поставување копии на загубениот орден за народен херој и со богата целонеделна програма, Прилеп ќе го прослави националниот празник „11 Октомври“ и 77-годишнината од почетокот на народното антифашистичко востание, беше соопштено на прес-конференцијата во прилепската локална самоуправа.

Почна ловната сезона во штипскиот регион. Во текот на викендот ловното здружение „Ловец“ од Штип организираше хајка на диви свињи. Николче Малинов од „Ловец“-Штип појаснува дека овие хајки се на барање на жителите од лакавичкиот и плачковичкиот регион, бидејќи во текот на летото имале големи штети на земјоделските култури од дивите свињи. Во хајката учествувале 200 ловџии, а се отстрелани вкупно три диви свињи.

Во текот на изминативе девет месеци гевгелиските пожарникари интервенирале 90 пати во локализирање и гаснење пожари во општина Гевгелија и соседните општини од југоисточниот регион, потврдија денеска од територијалната противпожарна единица во Гевгелија.

Водата во делчевското село Ѕвегор е неисправна за пиење. Анализите направени на чешмата од селскиот водовод во село Ѕвегор покажала бактериолошка неисправност исто како и онаа во т.н. Чешма џамија во село Вирче и водоводната чешма во село Град.

Ѓубре ги дочекува туристите кон Тиквешко Езеро, реагираат од еколошкото друштво Тисовец од кавадаречко Возарци, село кое е во близина на втората по големина вештачка акумулација во државата.

На спортскиот полигон „Стенковец“ во близина на Скопје викендот се одржа третиот по ред ,,Off Road Show 2018”.

Реката Луда Мара во Кавадарци потемне поради тоа што одделни кавадарчани кои печат ракија во овој период од годината исфрлаат во неа комиње, кое останува по производството.