Со симболично откинување на првото јаболко во рамки на манифестацијата „Преспански јаболкобер“ денеска официјално почнува годинашната берба на преспанското јаболко.

Недостигот од прoстор за сместување во детските градинки во Струмица е алармантен и треба под итно да се решава.

Со поставување нова фекална и атмосферска канализација во должина од 100 метри, јавното претпријатие „Камена Река“ работи на подготовка на изградба на пристапна патека на крак од улицата „Илинденска“ во општина Македонска Каменица.

Сообракајот на регионалниот пат Градско-Прилеп од 15:50 часот се одвива наизменично, информира АМСМ.

Општина Велес и оваа година традиционално од 19 до 21 октомври ќе ја организира манифестацијатa „Фестивал на велешка пита и вино“.

Новата пречистителна станица за отпадни води во Гевгелија денеска беше пуштена во употреба. Таа е со капацитет на третман на отпадните води од 30.000 жители.

Со изборот на жетварска убавица што ќе се одржи утре во градскиот парк во Кочани, почнува дваесет и седмото издание на манифестацијата „Денови на кочанскиот ориз“.

Основните училишта во општина Пустец, Мала Преспа добија учебници и едукативни материјали. Донацијата, издавачката куќа „Арс ламина - публикации“, е распределена на учениците од прво до четврто одделение во двете ОУ „Отпорот на Горичени“ во Долна Горица и „Трајан Ѓорѓиовски и Митре Колевски“ во Пустец и нивните подрачни училишта.

Во Гостивар синоќа започна манифестацијата „Нов културен бран" со презентација на сработеното од проектите „Заедно кон Европа" и „Заедно под отворено небо“.

На денешната конференција, во организација на Еколошкото друштво „Планетум“ од Струмица заедно со граѓански организации и институции чие работење е поврзано со планината Беласица, покрената е иницијатива до Министерството за животна средина и просторно планирање оваа планина да се прогласи за заштитено подрачје.