Екипите на ЕВН при повторно вклучување не можеле да интервенираат бидејќи немале пристап поради паркирани возила, по што интервенирала и пајак службата, додаваат од ЕВН.

Гостите од Франција од 8 овој месец се во студиска посета на земјава, со цел да се истражи младинската работа, да се разменат искуства и да се осознаат начините на кои локалните власти ги поддржуваат младите.

Со предавањето на клучот од страна на градоначалникот на Струмица, Костадин Костадинов на карневалистите, вечер почнуваат осумдневните карневалски празнувања во Струмица, а веднаш потоа треба да биде отворена изложба на карневалски маски на СОУ „Јане Сандански“.

Дополнителниот заменик-министер за земјоделство, шумарство и водостопанство Цветан Трипуновски вечерва, коментирајќи ги актуелните случувања во агро секторот, оцени дека е лицемерно пред избори да се ставаат во функција системи кои „не се пипнати“ седум години.

Дел од граѓаните кои живеат во близина на коритото на река Пена каде што беше извршено сечење на дрвја бараат државната установа надлежна за шуми да ги отстрани дрвјата од коритото. Тие велат дека се плашат од опасноста од поплави затоа што се останати исечените дрвја во речното корито.

Во детската градинка „Брешија“ во Дебар нема невакцинирани дечиња со ДиТеПер, потврди за медиумите директорката Ајрие Дачи.

Над 60 деца денеска се вакцинирани со ДиТеПер вакцина во вакциналниот пункт на здравствен дом Куманово, соопштија лекарите. Поголем дел од нив се деца на предучилишна возраст кои примаат ревакцина.

Невреме со град со големина на орев го погоди регионот на Гевгелија, а најмногу град падна во селото Негорци.

Паричниот фонд во бруто износ ќе биде за прва награда 125,000 денари, за втора награда 75,000 денари и за третата награда 50,000 денари.

Шестчленото семејство Грозданови од кочанското село Нивичани денеска се всели во двособен стан во социјалната зграда во Кочани, што го доби од АД за изградба и стопанисување со станбен и деловен простор (АДИССДП).