Вторпат овој месец, а четврти пат годинава непознати сторители извршиле тешка кражба во црквата „Свети Димитриј“ што се наоѓа на улицата „Прохор Пчински“ внатре во православните гробишта во Тетово информираше портпаролот на СВР Тетово Марјан Јосифовски. Според неговите податоци последната кражба била извршена во неутврден периодот од недела до денеска.

Сообраќајна несреќа се случи попладнево на патот Кавадарци-Неготино, сообраќајот е во прекин, а повредените се префрлени во кавадаречката болница.

Две лица го загубија животот во сообраќајна несреќа што се случила синоќа во 00.20 часот на магистралниот пат Градско-Прилеп.

Возач на мотоцикл, сопатник и тројца патници во автобус се здобиле со тешки, а седум со телесни повреди во три од вкупно 26 сообраќајки случени во текот на викендот.

Триесет и едногодишната М.П. е тешко повредена два часа по полноќ откако скопјанецот Љ.К.(34) кој го управувал возилото „Фиат Пунто“ со скопски регистарски ознаки во кое се наоѓала, изгубил контрола и удрил во ограда на улица „Даме Груев“ во Скопје.

Дваесет и едногодишниот Б.И. е повреден еден час по полноќ откако количката со која влегол во лифт во пекарата на „Груица Војвода“ во Скопје, а во која имало леб, од непознати причини се превртела и го потиснала.

Тешки кражби во две џамии во Тетово биле извршени од засега непознати сторители ноќта меѓу петок и сабота, информираше портпаролот на СВР тетово Марјан Јосифовски.

Тешка сообраќајна несреќа се случила синоќа на патот Штип-Радовиш во близина на клучката кај село Љуботен, во која 51-годишна виничанка им подлегнала на повредите, а четири лица се повредени.

Едно лице е потешко, а четворица се полесно повредени во сообраќајната незгода што се случи на локалниот пат Прилеп-село Прилепец кога возило „опел фронтера“ излетало од патот.

Пожар зафати делчевско возило вечерва на улицата „Шишка“, во близина на болницата во Кавадарци. Од Територијалната противпожарна единица од Кавадарци информираат дека се работи за возило „форд ескорт“.