Одржувањето на средбата меѓу американскиот претседател Доналд Трамп и севернокорејскиот лидер Ким Џонг-ун зависи од однесувањето на САД, изјави денеска заменик-министерката за надворешни работи на Северна Кореја, Чое Сон-хуи.

Авиони на меѓународната антиџихадистичка коалиција предводена од САД, рано изутринава нападнаа неколку позиции на сириската армија во источниот дел на Сирија, јавија сириските државни медиуми.

Европската унија во 2019 година ќе оддели дополнителни 1,5 милијарди евра за Турција за справување со мигрантската криза, стои во Проект-буџетот на ЕУ за следната година, што денеска го објави Европската комисија.

Либанскиот Парламент денеска го избра лидерот на шиитското движење Амал, Набих Бери за свој претседател.

Централната банка на Кина денеска најави дека ќе го подобри изнесувањето на основните податоци за своето работење, со цел да ја подобри транспарентноста.

Турскиот претседател Реџеп Тајип Ердоган му го честиташе резиборот на својот венецуелски колега Николас Мадуро, со што стана еден од ретките лидери кој ја поздрави изборната победа на претседателот на Венецуела.

Турската лира денеска падна на ниво од 4,76 лири за еден долар, со што загуби над 20 проценти од својата вредност од почетокот на годината.

Турскиот претседател Реџеп Тајип Ердоган престојуваше во работна посета во Сараево, при што како почесен гостин присустуваше на Шестиот конгрес на Унијата на европско-турските демократи во Олимписката сала „Зетра“, во која се собраа неколку илјади граѓани на БиХ.

Обраќајќи им се лидерите на парламентарните групи во Европскиот парламент во Брисел, Закерберг укажа на важноста на Фејсбук за Европејците и нагласи дека му е жал затоа што не направил доволно за да спречи злоупотреба на платформата.

Тоа значи дека двете најпознати берзи во светот ќе бидат предводени од жени. Адена Фридман стана генерална директорка на Насдак на почетокот на 2017 година.