Нема алтернативно решение за иранскиот нуклеарен договор, изјави денеска шефот на дипломатијата на Европската унија Федерика Могерини. Тоа е нејзин одговор на денешната изјава на државниот секретар на САД Мајк Помпео кој објави услови за нов договор со Техеран.

Американската армија ќе ги преземе сите неопходни чекори за да се спротивстави на однесувањето на Иран во регионот, и се уште проценува дали тоа би можело да вклучи нови акции или удвојување на постоечките, соопшти денеска Пентагон.

Кина соопшти дека не може да гарантира дека нема да има нови тензии со САД во трговијата, по изјавата на американскиот министер за финансии Стивен Мнучин дека двете земји „ја ставија трговската војна на чекање“.

Авион исчезна од радарите додека летал над планината Болд во близина на градот Бенингтон во американската сојузна држава Вермонт.

Шпанската Влада денеска ги прифати овластувањата на новоизбраниот каталонски лидер Ким Тора, но одби да ја прифати новата влада на Каталонија, затоа што во неа има министри обвинети за бунт против Шпанија.

Суд во Британија денеска го отфрли обвинението против банката Барклиз, поднесено од страна на полициското одделение за сериозни измами, во врска со зделката што Барклиз ја потпиша со Катар во 2008 година.

Парагвај денеска ја премести својата Амбасада во Израел од Тел Авив во Еруслам, со што стана трета земја што го презема овој чекор по САД и Гватемала.

Извозот од Јапонија во април пораснал за 7,8 проценти во споредба со истиот месец минатата година, благодарение на зголемената побарувачка на автомобили и машини за производство на полупроводници, што најавува закрепнување на јапонската економија по слабиот прв квартал во годината.

Внук на војвотката од Сасекс Меган Маркл се обидел да влезе вооружен со нож во бар во Лондон, а во своја одбрана се правдал дека го понел ножот затоа што претседателот Доналд Трамп рекол дека Лондон е опасен град, објави „Дејли Меил“.

Цените на нафтата достигнаа највисоко ниво во последниве три и пол години, како последица на драстичното намалување на нафтеното производство во Венецуела, растот на глобалнаѕа побарувачка на енергенсот и одлуката на САД за воведување нови санкции кон Иран.