Канада, по примерот на ЕУ, Австралија и Велика Британија, ги прошири санкциите против Русија со нови ограничувања за повеќе од 70 физички лица и компании, како и над сто „сиви“ нафтени танкери на Русија.

- Поддршката за Украина е во интерес на Европа. Ако нашиот одговор биде слаб, тоа ќе доведе до нови конфликти и ќе ги охрабри авторитарните режими, изјави фон дер Лајен на прес-конференција во Брисел.

Договорот за експлоатација на природни ресурси меѓу Украина и САД не вклучува американски безбедносни гаранции за Киев, се дознава од новата верзија на договорот, во која имал увид Њујорк тајмс.

Врховниот суд на САД денеска ја поништи смртната казна на Ричард Глосип, осуденик од Оклахома, со образложение дека пресудата ги прекршила неговите уставни права.

Иранскиот министер за надворешни работи Абас Арагчи денеска ја отфрли можноста за какви било директни преговори со САД во контекст на сегашниот „максимален притисок“ на американскиот претседател Доналд Трамп за иранската нуклеарна програма.

Најмалку шест бебиња починаа од студ во изминатите две недели во Појасот Газа, каде стотици илјади луѓе живеат во шаторски кампови и згради оштетени од војната, со температури под 10 Целзиусови во текот на ноќта, соопштија локалните лекари денеска.

Активисти од руската организација за човекови права „Меморијал“ ја посетија Украина за да истражат наводни прекршувања на човековите права извршени од Русија, изјави денеска еден од основачите на групата, Олег Орлов, јави ДПА.

Старбакс, светски познат синџир на ресторани за кафе и кафулиња, отпушта 1.100 вработени, изјави синоќа во порака до вработените Брајан Никол, извршен директор на компанијата, јавија дел од американските медиуми.

Лидерот на германската конзервативна опозиција, Фридрих Мерц, чиј централно-десничарски блок победи на изборите во неделата, изјави дека е неопходно што поскоро да се формира нова влада преку брзи коалициски преговори, јави ДПА.

Кремљ денеска го повтори своето противење на присуството на европските мировни сили во Украина за да се обезбеди потенцијален прекин на огнот, по коментарите на американскиот претседател Трамп кој тврди дека Русија ќе прифати таков потег.