Кремљ ја поздрави, како што наведе, „урамнотежената позиција“ на САД во однос на гласањето на Вашингтон во ОН, заедно со Москва, против резолуцијата за Украина подготвена од Киев и Европејците, со која се осудува рускиот напад врз оваа земја.

Царинската управа заплени автобус со косовски таблички кој извршувал редовен превоз на патници на релација Истанбул-Приштина кој бил специјално адаптиран за криење на роба. Случајот е откриен на влез во земјава на граничниот премин Деве Баир.

Германската централна банка – Бундесбанк лани регистрира загуба на билансот на состојба за прв пат од 1979 година, откако брзите промени во политиката на каматните стапки во еврозоната ги исцрпија резервите на банката.

Трошоците за обновата на украинската економија по завршувањето на руската инвазија се проценуваат на 524 милијарди долари, објавија денеска Светската банка, Обединетите нации, Европската комисија и владата во Киев.

Американскиот претседател Доналд Трамп во средината на февруари предложи трите најголеми воени сили во светот да ги намалат воените трошоци за половина и рече дека планира да разговара со Москва и Пекинг откако ќе се решат конфликтите во Украина и на Блискиот Исток.

Портпаролот на Кремљ, Дмитриј Песков денеска изјави дека Русија верува во себе, а да се зборува за доверба во Соединетите Американски Држави „мора да се помине долг пат“.

- Ние сме решени да го придвижиме овој процес, но нема да зборувам за датуми, истакна Шлапка во одговор на прашање дали Полска го поддржува приемот на Украина во ЕУ до 2030 година.

Поради зголемениот број експлозивни напади врз домови и деловни објекти во Холандија, тројца началници на полицијата бараат национална забрана за огномет.

Европската комисија подготвува измени на правилата за добивање азил во ЕУ кои ќе ги претстави во март, наместо како што беше претходно планирано во јуни, наведува бриселскиот портал „Еурактив“ врз основа на документ во кој имал увид.

Папата Франциск, кој се лекува во болница од пневмонија, добро спиел цела ноќ, објави утринава Ватикан во редовниот утрински здравствен извештај за поглаварот на Римокатоличката црква.