Украина и САД се во завршна фаза од преговорите за договор за ретките метали, објави украинската вицепремиерка задолжена за европски и евроатлански интеграции Олха Стефанишина на мрежата Икс, но нејзината објава е избришана по само неколку минути.

Кинескиот претседател Си Џинпинг изјави денеска дека Пекинг и Москва се „вистински пријатели“ кои „меѓусебно се поддржуваат“, објавија кинеските државни медиуми.

Победникот на парламентарните избори во Германија, конзервативецот Фридрих Мерц, повика Украина да биде вклучена во мировните преговори за ставање крај на војната на нејзино тло, додека САД директно преговараат со Русија за ова прашање, без Украина.

Кинеското Министерство за надворешни работи соопшти дека земјата е подготвена да соработува со идната германска Влада по изборите и бара натамошно развивање на односите со Германија.

Германскиот вицеканцелар Роберт Хабек планира да се повлече од секаква водечка улога во Зелените, откако неговата партија претрпе загуби на вчерашните избори.

-Оваа година треба да биде година на почеток на вистински и траен мир, рече Зеленски, претседавајќи со состанокот во Киев со десетина западни лидери кои дојдоа да ја изразат својата поддршка за Украина.

На третата годишнина од целосната инвазија на Русија врз Украина, турскиот претседател Реџеп Таип Ердоган уште еднаш понуди да организира преговори за решавање на конфликтот, јави ДПА.

Американското Министерство за правда им порача на своите вработени засега да го игнорираат барањето на Одделението за владина ефикасност (DOGE), кое го предводи милијардерот Илон Маск, во кое се бара од нив да ги наведат задачите што ги сработиле претходната недела, пренесува „Фокс њуз“.

Американскиот претседател Доналд Трамп изјави дека го номинирал Ден Бонџино, десничарски коментатор, за заменик директор на ФБИ.

Генералниот секретар на ОН Антонио Гутереш денеска на форум на Советот за човекови права на ОН во Женева изјави дека човековите права се задушени.