Претстојните разговори меѓу руски и американски претставници во Саудиска Арабија треба да утврдат што може да се направи за да се стави крај на војната во Украина, изјави денеска портпаролката на американскиот Стејт департмент, Тами Брус.

Најмалку десет лица го загубија животот викендот откако делови од југоисточниот дел на САД беа зафатени од поројни дождови, поплавувајќи патишта и куќи.

Претседавачот на Воениот комитет на НАТО, адмирал Џузепе Каво Драгоне изјави дека САД најверојатно ќе останат членка на Алијансата, но дека во иднина би можеле да го намалат бројот на свои војници во Европа, објави денеска Блумберг.

Шпанскиот министер за надворешни работи Хозе Мануел Албарес изјави денеска дека е премногу рано да се разговара за испраќање војници во Украина, истакнувајќи дека смета оти нема наскоро да биде склучено примирје меѓу Украина и Русија.

Партијата на слободата на Герт Вилдерс, која е дел од владината коалиција во Холандија, е против испраќање холандски војници во Украина, јавува телевизијата Ен-О-Ес. Лидерот на екстремно десничарската партија тоа го објави на „Икс“.

- Побаравме од платформите да преземат соодветни мерки за да се осигураме дека овој тип на содржини, барем нема да бидат зајакнати и масовно прикажувани, рече Рение.

Претседателот на Претставничкиот дом на САД, Мајк Џонсон изјави денеска дека „опстанокот на Западот“ зависи од тоа дали земјите ќе ги дадат приоритетите на нивните национални интереси пред да им подадат рака за помош на своите соседи.

На градоначалникот на Истанбул, Екрем Имамоглу му се заканува затворска казна од две до четири години и забрана за политичко дејствување по обвинението за „обид да се влијае врз судски службеник, вештак или сведок“, објавија турските медиуми.

Министерството за здравство на Украина денеска соопшти дека за приближно тригодишната војна при руските напади оштетени или целосно разурнати се 2.285 здравствени институции.

Иран ја одбрани својата нуклеарна програма и нема да се двоуми да продолжи да го прави тоа, изјави портпаролот на иранското Министерство за надворешни работи Есмаил Багаи.