Меѓународната агенција за атомска енергија (МААЕ) соопшти дека е во контакт со украинските власти поради извештаите за гранатирање на нуклеарната централа Запорожје, јави Би-Би-Си.

Според шефот на регионалната воена администрација Олександр Старук на пожарникарите им е дозволен влез за да интервенираат на пожарот во нуклеарната црнтрала запорожје, во Украина.

Владин претставник изјави за Асошиетед прес дека во близина на локацијата на централата евидентирано е зголемено ниво на радијација. Тој зборувал под услов да остане неименуван бидејќи информацијата се уште не е објавена во јавноста, пренесуваат западни медиуми.

Нуклеарната централа Запорожје во Украина е во пламен, изјави Дмитро Орлов, градоначалник на блискиот град Енергодар, пренесува Си-Ен-Ен.

Путин истакна и дека руската армија обезбедила коридори за цивилите, како и за странските државјани, но оти украинските националисти ја попречуваат евакуацијата на цивилите од областите каде се водат борби.

Завршија преговорите помеѓу Украина и Русија на полско-белоруската граница, при што е постигнат договор за заеднички да обезбедат хуманитарни коридори со привремен прекин на огнот.

Портпаролката на Белата куќа, Џен Псаки денеска изјави дека САД не гледаат можност на Русија да и го одземат статусот на постојана членка на Советот за безбедност на Обединети нации.

Британската кралица Елизабета Втора даде донација за поддршка на луѓето кои бегаат од конфликтот во Украина, соопшти коалицијата на британски хуманитарни организации која упати апел за собирање средства.

САД оценуваат дека ембарго за руската нафта и гас ќе придонесе кон повисоки цени на горивото во земјата, и затоа се уште не ја разгледуваат таа опција, изјави денеска портпаролката на Белата куќа, Џен Псаки.

Специјалната мисија за набљудување на ОБСЕ во Украина соопшти дека продолжува да ги евакуира своите набљудувачи од источниот кон западниот дел на земјата.