Министерот за надворешни работи на Луксембург Жан Аселборн денеска изрази сочувство за страдањата на Украинците и посака „рускиот народ да го елиминира рускиот претседател Владимир Путин за да запре војната“.

Светска банка ги суспендира сите свои тековни проекти во Русија и Белорусија како одговор на инвазијата врз Украина, објавија западните медиуми.

Меѓународниот кривичен суд во Хаг (МКС) соопшти дека покренува истрага за ситуацијата во Украина, пренесува „Гардијан“.

Генералштабот на украинската армија тврди дека дошол во сопственост на руски воен план на 810-та поморска бригада на Црноморската воена флота, според кој, наводно, идејата била да се покори Украина за 15 дена, објави украинска „Правда“.

Градоначалникот на украинскиот град Херсон, Игор Кољхаев, вечерва објави дека градот на југот на Украина паднал во рацете на руската армија, јави Би-Би-Си.

Поранешниот американски претседател Доналд Трамп изјави дека Тајван би можел да биде „следниот“ за потенцијална инвазија, бидејќи руско-украинскиот конфликт може да влијае, како што рече, на зголемената агресија на Кина.

Германскиот производител на автомобили Мерцедес-Бенц го прекина извозот на автомобили во Русија и го запре нивното производство во земјата.

Канцеларијата на ОН за човекови права соопшти дека досега е потврдено оти во Украина загинале 227 цивили, а 525 се повредени.

Од Стејт департментот денеска соопштија дека Блинкен посетата ќе ја започне во Брисел, каде ќе учествува на министерски состанок на НАТО, ќе се сретне со европските колеги, и ќе учествува на министерска средба на Г-7.

Шефот на владејачката грузиска партија Иракли Кобахидзе вели дека тамошната влада подготвува итно барање за статус на кандидат за членство во ЕУ, кое утре ќе го достави до Брисел.